ସବୁ ଜିନିଷ ସୀମା ମଧ୍ୟରେ ରହିଲେ ଭଲ ଲାଗିଥାଏ। ଯଦି ଏହା ସୀମା ବାହାରକୁ ଚାଲିଯାଏ ତେବେ ତାହା କ୍ଷତିକାରକ ହୋଇଥାଏ। ଲୋକମାନେ ଘରେବସି ନିଜର ଆବଶ୍ୟକ ସାମଗ୍ରୀ ପାଇବା ପାଇଁ ଅନ୍ଲାଇନ୍ ସପିଂ ହେଉଛି ଏକ ସହଜ ଉପାୟ। କେତେକ ଅନ୍ଲାଇନ୍ ପୋର୍ଟାଲ ଲୋକଙ୍କୁ ଏବେ ‘ପେ ଲେଟର’ ଅପ୍ଶନ୍ ଦେଇଛି। ଅର୍ଥାତ୍ ଆପଣ ବର୍ତ୍ତମାନ ଜିନିଷ କିଣି ପରେ ଟଙ୍କା ଦେଇପାରିବେ। ହେଲେ ବ୍ରିଟେନର ଜଣେ ୨୪ ବର୍ଷୀୟା ଯୁବତୀ ଟାବି ସ୍ମିଥ୍ଙ୍କୁ ଏହି ଅନ୍ଲାଇନ୍ ସପିଂରେ ଏମିତି ବାଇଆ ହୋଇଗଲେ ଯେ, ଏଥିପାଇଁ ତାଙ୍କୁ ନିଜର ଘର ମଧ୍ୟ ବିକ୍ରି କରିବାକୁ ପଡ଼ିଲା। ଏଥିସହ ଆଉ ଦେଢ଼ ଲକ୍ଷ ଟଙ୍କାର ଋଣ ତାଙ୍କ ଉପରେ ରହିଛି। ଏବେ ତାଙ୍କ ପାଖରେ ଯଦି କିଛି ଥାଏ, ତେବେ ତାହା ହେଉଛି ବ୍ରାଣ୍ଡେଡ୍ ପୋଷାକ। ଅନ୍ଲାଇନ୍ ସପିଂରେ ପେ ଲେଟର ଅପଶନ୍ ଯୋଗୁ ଟାବିଙ୍କର ଏହି ଦୁର୍ଦ୍ଦଶା ହୋଇଛି। ନିଜେ ଟାବି ଏହି କଥା ଲୋକଙ୍କ ସହ ଶେୟାର କରିଛନ୍ତି।
ଏ ନେଇ ଟାବି କହିଛନ୍ତି, ପେ ଲେଟର ଯୋଗୁ ସେ ବିନା ମୂଲ୍ୟରେ ସପିଂ କରିବାର ଆରମ୍ଭ କରିଥିଲେ ପରେ ଏହା ତାଙ୍କର ଅଭ୍ୟାସରେ ପରିଣତ ହୋଇଗଲା। କିଛି ଦିନ ମଧ୍ୟରେ ଅବସ୍ଥା ଏପରି ହେଲା ଯେ, ତାଙ୍କ ଉପରେ ଦେଢ଼ ଲକ୍ଷ ଟଙ୍କାର ଋଣ ଲାଗିଗଲା। ଏଥିସହ ସେ ନିଜର ଘର ମଧ୍ୟ ହରାଇ ସାରିଛନ୍ତି। ଅନ୍ଲାଇନରେ କିଣିଥିବା ପୋଷାକ କେବଳ ତାଙ୍କ ପାଖରେ ରହିଯାଇଥିବା ଟାବି କହିଛନ୍ତି।
