ଗ୍ରେନେଡା,୨୫।୩: ଓ୍ବେଷ୍ଟଇଣ୍ଡିଜ ବିପକ୍ଷ ୩ୟ ଟେଷ୍ଟର ପ୍ରଥମ ଦିନରେ ଇଂଲଣ୍ଡକୁ ବ୍ୟାଟିଂ ବିପର୍ଯ୍ୟର ସମ୍ମୁଖୀନ ହେବାକୁ ପଡ଼ିଥିଲା। କିନ୍ତୁ ଇଂଲଣ୍ଡ ଦଳର ସମ୍ମାନ ବଞ୍ଚାଇ ଦେଇଥିଲା ୧୦ ଏବଂ ୧୧ ନଂ ବ୍ୟାଟିଂ କରିବାକୁ ଆସିଥିବା ସାକିବ ମହମ୍ମମୁଦ ଏବଂ ଜ୍ୟାକ ଲିଚ୍ଙ୍କ ଯୋଡ଼ି। ଦୁହେଁ ଅନ୍ତିମ ଉଇକେଟ ପାଇଁ ୩୬ ଓଭର ବ୍ୟାଟିଂ କରି ୯୦ ରନ୍ ଯୋଡ଼ିଥିଲେ। ଫଳରେ ପ୍ରଥମ ଇନିଂସରେ ଇଂଲଣ୍ଡ ୨୦୪ ରନ୍ କରିବାକୁ ସକ୍ଷମ ହୋଇଥିଲା। ଲିଚ୍ ୪୧ ରନ୍ କରି ନଟ୍ଆଉଟ୍ ଥିବା ବେଳେ ସାକିବ ୪୯ ରନ୍ରେ ଆଉଟ୍ ହୋଇଥିଲେ। ତେବେ ପୂରା ଇନିଂସରେ ଦୁହେଁ ସର୍ବାଧିକ ରନ୍ ସ୍କୋରର ଥିଲେ। ୧୪୫ ବର୍ଷର କ୍ରିକେଟ ଇତିହାସରେ ଦ୍ୱିତୀୟ ଥର ପାଇଁ ଏଭଳି ଘଟିଛି।
ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ଇଂଲଣ୍ଡ ପାଇଁ କେବଳ ଆଲେକ୍ସ ହେଲ୍ସ(୩୧)ଙ୍କୁ ଛାଡ଼ି ଦେଲେ ଅନ୍ୟ କୌଣସି ଟପ୍ ଅର୍ଡର ବ୍ୟାଟର ଦୁଇ ଅଙ୍କ ସ୍କୋର ଛୁଇଁ ପାରି ନ ଥିଲେ। ଏପରି କି ଦଳ ୬୭ ରନ୍ ମଧ୍ୟରେ ୭ ଏବଂ ୧୧୪ ରନ୍ରେ ୯ ଉଇକେଟ ହରାଇ ସଙ୍କଟରେ ପଡ଼ିଥିଲା।
