ମୁମ୍ବାଇ: ବଲିଉଡ୍ ଅଭିନେତା ସୋନୁ ସୁଦଙ୍କ ଭଉଣୀ ମାଳବିକା ସୁଦ ସଚ୍ଚର ରାଜନୀତି ମଇଦାନକୁ ଓହ୍ଲାଇଛନ୍ତି । ମଙ୍ଗଳବାର ସେ କଂଗ୍ରେସରେ ଯୋଗ ଦେଇଛନ୍ତି । ପଞ୍ଜାବ ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ଏବେ ସେଠାରେ ରାଜନୀତି ହାଇଛି ସରଗରମ । ଏହାସହ ପଞ୍ଜାବ କଂଗ୍ରେସର କଳି ଲାଗି ରହିଥିବା ବେଳେ ମାଳବିକା କଂଗ୍ରେସରେ ଯୋଗ ଦେବା କାରଣରୁ ଅନୁମାନ କରାଯାଉଥିଲା କି ସୋନୁ ଭଉଣୀ ମାଳବିକାଙ୍କ ପାଇଁ ନିଶ୍ଚତ ଭାବେ ପ୍ରଚାର କରିବେ । ତେବେ ଏହାକୁ ନେଇ ନିକଟରେ ସୋନୁ ଏକ ସାକ୍ଷାତକାରରେ ଖୋଲାଖୋଲି କଥା ହୋଇଛନ୍ତି । ସେ କହିଛନ୍ତି, ରାଜନୀତି ସହ ମୋର କୌଣସି ସମ୍ପର୍କ ନାହିଁ । ଭଉଣୀ ମାଳବିକା ପରିଶ୍ରମ କରିବେ ଓ ଫଳ ନିଶ୍ଚିତ ପାଇବେ । ସେ ସିଧାସଳଖ ଲୋକଙ୍କ ସହ ଯୋଡି ହୋଇ ସେମାନଙ୍କ ସୁଖ ଦୁଖରେ ଭାଗିଦାର ହେବାକୁ ଆଗକୁ ପାଦ ବଢାଇଛନ୍ତି । ସେଥିପାଇଁ ମୁଁ ଗର୍ବିତ । ହେଲେ ମୋର ନିଶା ହେଉଛି ଅଭିନୟ କରିବା । ମୁଁ ଏବେ ନୁହେଁ ବା କେବେ ନୁହେଁ ରାଜନୀତିଠାରୁ ସବୁବେଳେ ଦୂରେଇ ରହିବି । ଏଥିରୁ ସ୍ପଷ୍ଟ ହୋଇଛି ସେ ସୋନୁ ଭଉଣୀ ମାଳବିକାଙ୍କ ପାଇଁ ପ୍ରଚାର ତ କରିବେ ନାହିଁ ନିଜେ ଭବିଷ୍ୟତରେ ବି କେବେ ରାଜନୀତି କରିବେ ନାହିଁ ।
