କେନ୍ଦୁଝର,୯।୮(ସ୍ବ.ପ୍ର.):କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ ପଦ୍ମପୁର ଅଞ୍ଚଳରେ ପୋଖରୀ ଖୋଳାରେ ମେଶିନ ବ୍ୟବହାର କରାଯିବା ସହ ବର୍ଷା ଦିନରେ ପୋଖରୀ ଖୋଳା ନେଇ ଅସନ୍ତୋଷ ଦେଖାଦେଇଛି। ଫଳରେ ବ୍ୟାପକ ଦୁର୍ନୀତି ଓ ଅନିୟିତତା ହୋଇଥିବା ଅଭିଯୋଗ ହେଉଛି।
ଯେ, ଏମ୍ଜିଏନ୍ଆର୍ଇଜିଏସ୍ (ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତି ଯୋଜନା)ରେ ୧୦ଲକ୍ଷ ଟଙ୍କା ପ୍ରକଳ୍ପ ଅଟକଳ ମୂଲ୍ୟରେ ପଦ୍ମପୁର ଗ୍ରାମର ତଳସାହି ଠାରେ ଏକ ନୂଆ ବନ୍ଧ ନିର୍ମାଣ କରାଯାଉଛି। କେନ୍ଦ୍ର ସରକାରଙ୍କ ଅମୃତ ସରୋବର ଯୋଜନାରେ ଏହି କାମ ଚାଲିଛି। ତେବେ ବର୍ଷାଦିନରେ ଏହି କାମ ଚାଲିଥିବାରୁ ପୋଖରୀରେ ପାଣି ଭର୍ତ୍ତି ହୋଇଥିବାରୁ ସମ୍ପୂର୍ଣ୍ଣ କାମ ହୋଇ ପାରୁନାହିଁ। ଫଳରେ କାମର ମାନକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ଅନ୍ୟପକ୍ଷରେ ଏନେଇ ଗ୍ରାମ ରୋଜଗାର ସେବକ ପ୍ରଶାନ୍ତ ଦେହୁରୀ କହିଛନ୍ତି, ଏମ୍ଜିଏନ୍ଆର୍ଇଜିଏସ୍ ଯୋଜନାରେ ଦଶ ଲକ୍ଷ ଟଙ୍କା କାମ ବ୍ୟତୀତ ଅନ୍ୟ ଏକ ସ୍କିମରେ ଛଅ ଲକ୍ଷ ଟଙ୍କାର କାମ ଚାଲିଛି। ଏଣୁ ଏହି ଯୋଜନା କାମରେ ମେଶିିନ ବ୍ୟବହାର ହୋଇ ନାହିଁ। ବର୍ଷା ଯୋଗୁ କାମରେ ସମସ୍ୟା ଦେଖାଦେଇଥିବା ସେ ସ୍ବୀକାର କରିଛନ୍ତି। ତେବେ ସେଠାରେ ଦୁଇଟି ସ୍କିମର ପଇସା ଖର୍ଚ୍ଚ କରାଯାଉଥିବାରୁ କାମରେ ତାଳମେଳ ମିଳୁ ନ ଥିବାରୁ ଗ୍ରାମବାସୀ ତଦନ୍ତ ଦାବି କରିଛନ୍ତି। ଅନ୍ୟ ପକ୍ଷରେ ଜବ କାର୍ଡ ଧାରୀ କାମ ପାଉ ନ ଥିବାରୁ ଭୋକଉପାସରେ ରହିଥିବାରୁ ଉପଯୁକ୍ତ ପଦକ୍ଷେପ ଗ୍ରହଣ କରିବାକୁ ଦାବି ହୋଇଛି।
