ଜେଦା,୨୬।୪ : ଗୃହଯୁଦ୍ଧଗ୍ରସ୍ତ ସୁଦାନରୁ ଭାରତୀୟଙ୍କୁ ଫେରାଇ ଆଣିବା ପାଇଁ ଭାରତ ସରକାରଙ୍କ ପକ୍ଷରୁ ଅପରେଶନ କାଭେରୀ ଆରମ୍ଭ ହୋଇଛି। ବୁଧବାର ସୁଦାନରେ ଫସି ରହିଥିବା ୧୩୫ ଜଣ ଭାରତୀୟଙ୍କ ତୃତୀୟ ବ୍ୟାଚ ସୌଦିଆରବର ଜେଦାରେ ପହଞ୍ଚିଛନ୍ତି। ଭାରତୀୟ ବାୟୁସେନା ସି-୧୩୦ଜେ ବିମାନରେ ସେମାନେ ଜେଦାରେ ପହଞ୍ଚିଛନ୍ତି। ଏହାପୂର୍ବରୁ ଜେଦା ବିମାନବନ୍ଦରରେ ପହଞ୍ଚିଥିବା ୧୪୮ ଭାରତୀୟଙ୍କ ଦ୍ୱିତୀୟ ବ୍ୟାଚକୁ ବହିର୍ବ୍ୟାପାର ରାଷ୍ଟ୍ରମନ୍ତ୍ରୀ ଭି ମୁରଲୀଧରନ ସ୍ବାଗତ କରିଥିଲେ।
ଏହା ସହିତ ନାଭାଲ ଶିପ ଆଇଏନଏସ ସୁମେଧା ୨୭୮ ଯାତ୍ରୀଙ୍କ ସହ ଆଜି ଜେଦା ବନ୍ଦରରେ ପହଞ୍ଚିଛି। ଏହି ସୂଚନା ଭାରତର ବହିର୍ବ୍ୟାପାର ମନ୍ତ୍ରଣାଳୟ ଦେଇଛି। ମନ୍ତ୍ରଣାଳୟ ଟୁଇଟ କରି କହିଛି, ଅପରେଶନ କାଭେରୀ ଜାରି ରହିଛି।
ସୁଦାନରେ ପ୍ରାୟ ୪ ହଜାର ଭାରତୀୟ ରହିଥିବା କୁହାଯାଉଛି। ସେମାନଙ୍କୁ ସୁରକ୍ଷିତ ଭାବେ ସ୍ବଦେଶ ଫେରାଇ ଆଣିବା ଲାଗି ସରକାରଙ୍ପକ ପକ୍ଷରୁ ଉଦ୍ୟମ ଜାରି ରହିଛି।