କଟକ ଅଫିସ,୭ା୨: ଓଡ଼ିଶା ଲୋକସେବା ଆୟୋଗ (ଓପିଏସ୍ସି) ପକ୍ଷରୁ ଓଡ଼ିଶା ଜୁଡିସିଆଲ ସର୍ଭିସ (ଓଜେଏସ୍) ପାଇଁ ମଙ୍ଗଳବାର ବିଜ୍ଞପ୍ତି ପ୍ରକାଶ ପାଇଛି। ଆଇନ ବିଭାଗ ଅଧୀନରେ ଓଡ଼ିଶା ଓଜେଏସ୍ ୨୦୨୨ରେ ସିଭିଲ୍ ଜଜ୍ଙ୍କ ପାଇଁ ୫୭ଟି ପଦବୀ ପୂରଣ ହେବ। ସେଥିମଧ୍ୟରୁ ୧୮ଟି ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି। ଏଥିପାଇଁ ଆସନ୍ତା ୧୭ରୁ ଅନ୍ଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହେବ। ମାର୍ଚ୍ଚ ୧୭ ତାରିଖ ରାତି ୧୧ଟା ୫୯ ମିନିଟ୍ ପର୍ଯ୍ୟନ୍ତ ଆବେଦନ ପାଇଁ ସମୟସୀମା ରହିଛି।
ସିଭିଲ୍ ଜଜ୍ କ୍ୟାଡ୍ରରେ ନିଯୁକ୍ତି ପାଇଁ ପ୍ରାର୍ଥୀ ଚୟନ ପ୍ରତିଯୋଗିତାମୂଳକ ପରୀକ୍ଷା ମାଧ୍ୟମରେ କରାଯିବ। ଯଥାକ୍ରମେ ପ୍ରାଥମିକ ଲିଖିତ ପରୀକ୍ଷା, ମୁଖ୍ୟ ଲିଖିତ ପରୀକ୍ଷା ଏବଂ ସାକ୍ଷାତ୍କାରକୁ ନେଇ ଅନୁଷ୍ଠିତ ହେବ। ପ୍ରାଥମିକ ପରୀକ୍ଷା ବାଲେଶ୍ୱର, ବ୍ରହ୍ମପୁର, ଭୁବନେଶ୍ୱର, କଟକ ଏବଂ ସମ୍ବଲପୁରରେ ହେବାର କାର୍ଯ୍ୟକ୍ରମ ରହିଛି। ଯଦି ବ୍ରହ୍ମପୁର, ବାଲେଶ୍ୱର, ଏବଂ ସମ୍ବଲପୁର ମଧ୍ୟରୁ କୌଣସି ଜୋନ୍ ପାଇଁ ପର୍ଯ୍ୟାପ୍ତ ସଂଖ୍ୟକ ପ୍ରାର୍ଥୀ ଉପଲବ୍ଧ ନ ହୁଅନ୍ତି, ତେବେ ଏହି ଜୋନ୍ ଚୟନ କରିଥିବା ପ୍ରାର୍ଥୀମାନେ ଭୁବନେଶ୍ୱର ଏବଂ କଟକଠାରେ ପରୀକ୍ଷା ଦେବେ। ଏନେଇ ଅଧିକ ସୂଚନା ଓପିଏସ୍ସି ୱେବ୍ସାଇଟ୍ https://opsc.gov.inରେ ଉପଲବ୍ଧ ରହିଛି ା