ଓପିଏସସି ନିଯୁକ୍ତି ୨୦୨୪: ୧୨୭୫ ପିଜିଟି ପଦବୀରେ ନିଯୁକ୍ତି ପାଇଁ ଆବେଦନ ଆରମ୍ଭ, ଜାଣନ୍ତୁ ଅଧିକ ସୂଚନା

ଭୁବନେଶ୍ୱର,୧।୧: ଓଡ଼ିଶା ଲୋକସେବା ଆୟୋଗ(ଓପିଏସସି) ପୋଷ୍ଟ ଗ୍ରାଜୁଏଟ ଟିଚର(ପିଜିଟି) ନିଯୁକ୍ତି ୨୦୨୪ ପାଇଁ ବିଜ୍ଞପ୍ତି ପ୍ରକାଶ କରିଛି ଏବଂ ଏଥିପାଇଁ ଆବେଦନ ଆରମ୍ଭ ହୋଇଯାଇଛି। ଆବେଦନର ଶେଷ ତାରିଖ ୨ ମାର୍ଚ୍ଚ ୨୦୨୪ ରହିଛି। ଇଛୁକ ଅଶାୟୀମାନେ ଓପିଏସସିର ଅଫିସିଆଲ ୱେବସାଇଟ opsc.gov.in ରେ ଯାଇ ଆବେଦନ କରିପାରିବେ।

ଓପିଏସସି ନିଯୁକ୍ତି ବିବରଣୀ:

ଖାଲିଥିବା ପଦବୀ: ମୋଟ ୧୨୭୫ ପଦବୀ ଖାଲିଥିବା ବେଳେ ସେଥିରୁ ୪୬୧ ଟି ପଦବୀ ମହିଳା ମାନଙ୍କ ପାଇଁ ରହିଛି ।

ବୟସ ସୀମା: ଅଶାୟୀଙ୍କ ବୟସ ୨୧ ରୁ ୩୮ ମଧ୍ୟରେ ହେବା ଉଚିତ।

ଶିକ୍ଷାଗତ ଯୋଗ୍ୟତା: ଆବେଦନ କରିବାକୁ ଯୋଗ୍ୟ ହେବା ପାଇଁ ପ୍ରାର୍ଥୀମାନେ କମ୍ପ୍ୟୁଟରେ ମାଷ୍ଟର ଡିଗ୍ରୀ, ବିଇଡି ଏବଂ ଡିପ୍ଲୋମା କିମ୍ବା ଡିଗ୍ରୀ ଥିବା ଆବଶ୍ୟକ।

ଏହି ପଦବୀରେ ଆବେଦନ ପାଇଁ କୌଣସି ଆବେଦନ ଶୁଳ୍କ ନାହିଁ।

ଚୟନ ପ୍ରକ୍ରିୟା: ପ୍ରାଥୀମାନେ ପ୍ରଥମେ ଲିଖିତ ପରୀକ୍ଷା ଦେବେ ଏବଂ ପରେ ବ୍ୟକ୍ତିଗତ ସାକ୍ଷାତକାର ଦେବେ।

କିପରି କରିବେ ଆବେଦନ:

ପ୍ରଥମେ ଓପିଏସସିର ଅଫିସିଆଲ୍ ୱେବସାଇଟ୍ opsc.gov.in ଯାଆନ୍ତୁ।

ମୁଖ୍ୟପୃଷ୍ଠରୁ “ଅନଲାଇନ୍ ଆବେଦନ” ବିକଳ୍ପ ଚୟନ କରନ୍ତୁ।

ପଞ୍ଜୀକରଣ ପ୍ରକ୍ରିୟା ପୁରଣ କରନ୍ତୁ ଏବଂ ଆବେଦନ ଫର୍ମ ପୂରଣ କରିବାକୁ ଆଗକୁ ବଢ଼ନ୍ତୁ।

ଆବଶ୍ୟକ ଅନୁଯାୟୀ ନିର୍ଦ୍ଦିଷ୍ଟ ଡକ୍ୟୁମେଣ୍ଟ୍ ଅପଲୋଡ୍ କରନ୍ତୁ ଏବଂ ଫର୍ମ ଦାଖଲ କରନ୍ତୁ।

ଭବିଷ୍ୟତର ଆବଶ୍ୟକତା ପାଇଁ ଆବେଦନ ପତ୍ରର ଏକ ପ୍ରିଣ୍ଟଆଉଟ୍ ନେବାକୁ ଭୁଲନ୍ତୁ ନାହିଁ।