ଦାରିଙ୍ଗବାଡି, ୩୧।୧୦ (ଅରୁଣ ସାହୁ) ଓଡିଶାର କଶ୍ମୀର କୁହାଯାଉଥିବା ଦାରିଙ୍ଗବାଡିରେ ଗତ କିଛିଦିନ ହେଲା ଶୀତ ପଡିବା ଆରମ୍ଭ ହୋଇସାରିଛ। ୧୫ ଡିଗ୍ରୀ ତଳେ ପାରଦ ରହୁଛ। ଶୀତର ମଜା ନେବା ପାଇଁ ଦଶହରା ପୂଜାଛୁଟି ଠାରୁ ଦାରିଙ୍ଗବାଡି଼କୁ ପର୍ଯ୍ୟଟକଙ୍କ ଆଗମନ ହୋଇସାରିଛି। ସେପଟେ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ସ୍ଥାନୀୟ ପ୍ରଶାସନ ଓ ଜିଲା ପ୍ରଶାସନର ଜୋରଦାର ପ୍ରସ୍ତୁତି ଆରମ୍ଭ ହୋଇଯାଇଛ। ବୁଧବାର ପ୍ରଶାସନ ପକ୍ଷରୁ ଆଉ ଏକ ପର୍ଯ୍ୟଟନ କ୍ଷେତ୍ର ଲୋକାର୍ପଣ କରାଯିବା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେପହଞ୍ଚିଛି।
ଦାରିଙ୍ଗବାଡିକୁ ପରିଚିତ କରିଥିବା କଫି ବଗିଚା ପରିସର ମଧ୍ୟରେ ଏକ କାଫେ ଏବଂ ଶିଶୁ ମାନଙ୍କ ପାଇଁ ଶିଶୁ ଉଦ୍ୟାନର ବୁଧବାର ଶୁଭାରମ୍ଭ କରାଯାଉଛ। ଦାରିଙ୍ଗବାଡି଼କୁ ଆସୁଥିବା ପର୍ଯ୍ୟଟକ ଦାରିଙ୍ଗବାଡିର ଜୈବିକ କଫି କିଣି ନେଉଥିଲେ ସୁଦ୍ଧା କଫି ଏଠାରେ ପିଇବା ପାଇଁ ମିଳୁ ନ ଥିଲା। ପ୍ରଥମଥର ପାଇଁ ପ୍ରଶାସନ ପକ୍ଷରୁ ପର୍ଯ୍ୟଟକଙ୍କୁ ଦାରିଙ୍ଗବାଡି କଫି ସୁବିଧାରେ ପିଇବାକୁ ମିଳିବ। ଏଥିସହ ଶିଶୁ ପର୍ଯ୍ୟଟକଙ୍କ ପାଇଁ ଶିଶୁ ଉଦ୍ୟାନ କରାଯାଇଛି । ଯେଉଁଠି ସେଲଫି ପଏଣ୍ଟ, ଦୋଳି, ଖସଡ଼ା, ବିଭିନ୍ନ ପ୍ରାଣୀଙ୍କ ଫାଇବାର ମୂର୍ତ୍ତି ଆଦି ସ୍ଥାପନ କରାଯାଇଛି ଯାହାକି ଶିଶୁ ପର୍ଯ୍ୟଟକଙ୍କୁ ବହୁତ ଆକୃଷ୍ଟ କରିବ ବୋଲି ଆଶା କରାଯାଇଛି। ସେହିପରି ଦାରିଙ୍ଗବାଡିର ଅନ୍ୟ ପର୍ଯ୍ୟଟନ କେନ୍ଦ୍ର ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରାୟ ୧୭ କୋଟି ୧୦ ଲକ୍ଷ ଟଙ୍କା ଅନୁଦାନ ଆସିଛି। ଯାହାକି ପର୍ଯ୍ୟଟନ କ୍ଷେତ୍ର ଗୁଡିକର ବିକାଶ ହେବା ସହ ପର୍ଯ୍ୟଟକଙ୍କୁ ଅଧିକା ଆକୃଷ୍ଟ କରିବ ବୋଲି ପ୍ରଶାସନ ଆଶା ରଖିଛି ବୋଲି ବିଡ଼ିଓ ଗଦାଧର ପାତ୍ର କହିଛନ୍ତ।
ସେହିପରି ବୁଧବାର ଦାରିଙ୍ଗବାଡିରେ ଚତୁର୍ଥ ବର୍ଷ ପାଇଁ ଇକୋ ରିଟ୍ରିଟର ଶୁଭାରମ୍ଭ ଏକ ମାସ ପୂର୍ବରୁ କରାଯାଉଛି। ଚଳିତ ଥର ମଧ୍ୟ ଦାରିଙ୍ଗବାଡି ଇକୋ ରିଟ୍ରିଟର ପର୍ଯ୍ୟଟକଙ୍କ ପାଇଁ ପଞ୍ଚତାରକା ହୋଟେଲର ସୁବିଧା ଭଳି ଉପଲବ୍ଧ କରାଯିବ। ସେମାନଙ୍କ ମନୋରଞ୍ଜନ ପାଇଁ ବ୍ୟବସ୍ଥା ସହ ଯୋଗ, ବ୍ୟାୟାମ, ସାଇକଲ ରାଇଡିଙ୍ଗ, ଟ୍ରାକିଙ୍ଗ ବିଭିନ୍ନପର୍ଯ୍ୟଟନକ୍ଷେତ୍ରକୁ ବୁଲାଇନେବା ବ୍ୟବସ୍ଥା ଆଦି କରାଯାଉଛି। ସେହିପରି ଉକ୍ତ ଇକୋ ରିଟ୍ରିଟରେ ସ୍ଥାନୀୟ ଯୁବତୀଯୁବକଙ୍କୁ ନିଯୁକ୍ତି ମଧ୍ୟ ଦିଆଯାଉଛି ଫଳରେ ବେକାର ଯୁବପିଢି ସ୍ବରୋଜଗାରକ୍ଷମ ହୋଇପାରିବେ।