ଓସ୍କାର ବିଜେତା ଅଭିନେତା ଖ୍ରୀଷ୍ଟୋଫର ପ୍ଲମରଙ୍କର ଶୁକ୍ରାବର ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୯୧ ବର୍ଷ ହୋଇଥିଲା। ଏ ନେଇ ଖ୍ରୀଷ୍ଟୋଫରଙ୍କ ମ୍ୟାନେଜର ସୂଚନା ଦେଇଛନ୍ତି।
ସେ କହିଛନ୍ତି ଯେ, ବିଗତ କିଛି ଦିନ ହେବ ଖ୍ରୀଷ୍ଟୋଫର ଅସୁସ୍ଥ ଥିଲେ। ଶେଷ ସମୟରେ ସ୍ତ୍ରୀ ଏଲେନ ଟେଲର ତାଙ୍କସହ ଉପସ୍ଥିତ ଥିଲେ। ଖ୍ରୀଷ୍ଟୋଫରଙ୍କ ମୃତ୍ୟୁରେ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି। ଫିଲ୍ମ ଇଣ୍ଡଷ୍ଟ୍ରିରେ ୫୦ ବର୍ଷରୁ ଊର୍ଦ୍ଧ୍ୱ ସମୟ ବିତାଇଥିବା ଖ୍ରୀଷ୍ଟୋଫର ଅନେକ ସ୍ମରଣୀୟ ଫିଲ୍ମରେ କାମ କରିଛନ୍ତି। ସେ ଗୋଟିଏ ଓସ୍କାର ପୁରସ୍କାର, ୨ଟି ଟୋନି ପୁରସ୍କାର ଏବଂ ୨ଟି ଏମି ପୁରସ୍କାରରେ ସମ୍ନାନିତ ହୋଇଥିଲେ। ଫିଲ୍ମ ‘ସାଉଥ୍ ଅଫ୍ ମ୍ୟୁଜିକ୍’ରେ ତାଙ୍କ ଅଭିନୟକୁ ବେଶି ପ୍ରଶଂସା କରାଯାଏ।
