ପୁରୁଷୋତ୍ତମପୁର,୪।୭(ସିମାଞ୍ଚଳ ମିଶ୍ର): ରାସ୍ତାରେ ଯିବା ଆସିବା ପାଇଁ ଲୋକେ ଭୟ କରୁଛନ୍ତି। କାରଣ ବାରମ୍ବାର ଦୁର୍ଘଟଣା ଘଟି ଲୋକଙ୍କ ପ୍ରାଣ ହାନୀ ଘଟୁଛି। ମଙ୍ଗଳବାର ହିଞ୍ଜିଳିକାଟୁରୁ ଓଏସ୍ଆରଟିସି ବସ ( ଓଡି୧୩ଓ୧୮୨୨)ପୁରୀ ଯାଉଥିବା ବେଳେ ଧୋବାଡ଼ି ପାଟପୁର ନିକଟରେ ଏକ ଅଟୋ (ଓଡି୦୭ସି୩୦୮୬)କୁ ଧକ୍କା ଦେଇଛି। ଫଳରେ ଅଟୋ ଡ୍ରାଇଭର ନାରାୟଣ ସାହୁଙ୍କ ସମେତ ଉଦୟନାଥ ସାହୁ ଏବଂ ଝିଅ ରଶ୍ମିତା ସାହୁ ଗୁରୁତର ହୋଇଛନ୍ତି । ଏହାର ଖବରପାଇ ପୁରୁଷୋତ୍ତମପୁର ଥାନା ଏସ୍ଆଇ ଆଦିତ୍ୟ ନାରାୟଣପାତ୍ର ଓ ପୋଲିସ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଚିକିତ୍ସା ଲାଗି ବ୍ରହ୍ମପୁର ବଡ ମେଡିକାଲକୁ ପଠାଇବା ସହ ତଦନ୍ତ ଚଲାଇଛନ୍ତି ।