ପ୍ୟାରିସ,୩।୪: ଫ୍ରାନ୍ସ ସରକାରଙ୍କର ଜଣେ ମହିଳା ମନ୍ତ୍ରୀ ପ୍ଲେବୟ ପତ୍ରିକାର କଭରରେ ପୋଷାକ ପିନ୍ଧି ଦେଖାଯିବା ପରେ ବିବାଦ ମୁଣ୍ଡ ଟେକିଛି। ଏବେ ସେ ଏହାକୁ ନେଇ ସଫେଇ ଦେଉଛନ୍ତି।
ମାର୍ଲିନ ସିୟାପ୍ପା ଜଣେ ୪୦ ବର୍ଷୀୟା ନାରୀବାଦି ଲେଖିକା ପୂର୍ବରୁ ବି ବିବାଦରେ ରହି ଆସିଛନ୍ତି। ସେ ଦକ୍ଷିଣପନ୍ଥିଙ୍କୁ ଅନେକଥର ନାରାଜ କରିଦେଇଛନ୍ତି। ଏମିତିକି ପ୍ରଧାନମନ୍ତ୍ରୀ ଓ ବାମପନ୍ଥୀ ଆଲୋଚକମାନେ କୁହନ୍ତି, ସେ ପ୍ଲେବୟ ଫ୍ରଣ୍ଟ କଭର ପାଇଁ ପୋଜ ଦେଇ ଭୁଲ କରିଛନ୍ତି।
ଏହା ଉପରେ ସଫେଇ ଦେଇ ସିୟପ୍ପା କହିଛନ୍ତି ଫ୍ରାନ୍ସର ମହିଳା ସ୍ବତନ୍ତ୍ର। ସେମାନେ କିଛି ବି କରିପାରନ୍ତି। ତାଙ୍କର ଏଭଳି ବୟାନ ସରକାରଙ୍କ କେତେଜଣ ସହଯୋଗୀଙ୍କୁ ଅସନ୍ତୁଷ୍ଟ କରିଦେଇଛି, ଯେଉଁମାନେ ଅବସର ବୟସ ସୀମାକୁ ଦୁଇ ବର୍ଷ ବଢାଇବାର ଯୋଜନା ବିରୋଧରେ ପ୍ରଦର୍ଶନ ଓ ହିଂସା ପ୍ରଦର୍ଶନ ମଧ୍ୟରେ ଗତି କରୁଥିଲେ। ଏକ ଗ୍ଲାମର ପତ୍ରିକା ପାଇଁ ଡିଜାଇନର କପଡା ପିନ୍ଧିଥିବା ସିୟାପ୍ପାଙ୍କ ବିଚାରକୁ ଅନେକେ ଭୁଲ ବାର୍ତ୍ତା ଦେଉଥିବା କହିଛନ୍ତି। ଜଣେ ବ୍ୟକ୍ତି କହିଛନ୍ତି ଯେତେବେଳେ ସେ ଏସମ୍ପର୍କରେ ପ୍ରଥମେ ଶୁଣିଲେ ତାଙ୍କୁ ଏପ୍ରିଲ ଫୁଲର ଜୋକ୍ସ ଭଳି ଲାଗିଲା।
ସମ୍ପାଦକ ଜିନ କ୍ରିଷ୍ଟୋଫ ଫ୍ଲୋରେଣ୍ଟିନ ଏଏଫପିକୁ କହିଛନ୍ତି କି ପ୍ଲେବୟ କୌଣସି ସପ୍ଟ ପର୍ନ ମାଗାଜିନ ନୁହେଁ। ବରଂ ଏହା ୩୦୦ ପୃଷ୍ଠାର ଏକ ତ୍ରୟମାସିକ ’ମୁକ’(ଏକ ପୁସ୍ତକ ଓ ଏକ ପତ୍ରିକାର ମିଶ୍ରଣ), ଯାହା ବୌଦ୍ଧିକ ଓ ଚଳନିୟ। ସେ କହିଛନ୍ତି ଏବେବି କିଛି ବିନା କପଡାରେ ଥିବା ମହିଳାଙ୍କ ଫଟୋ ରହିଛି, ହେଲେ ଅଧିକାଂଶ ପୃଷ୍ଠାରେ ଏହା ନାହିଁ।
