ସୋସିଆଲ ମିଡିଆରେ ଏବେ ମହିଳା ରହିବେ ସୁରକ୍ଷିତ, ପ୍ରତିଶ୍ରୁତି ଦେଲେ…
05 ପ୍ୟାରିସ୍,୨ା୭: ଟୁଇଟର, ଗୁଗଲ୍, ଫେସବୁକ୍ ଏବଂ ଟିକ୍ଟକ୍ ଭଳି ଟେକ୍ କମ୍ପାନୀଗୁଡ଼ିକ ଅନ୍ଲାଇନ୍ ଅପରାଧକୁ ଦୂର କରିବା ସହିତ ଡିଜିଟାଲ ପ୍ଲାଟ୍ଫର୍ମରେ ମହିଳାଙ୍କ ସୁରକ୍ଷା ବଢ଼ାଇବାକୁ ପ୍ରତିଶ୍ରୁତି ଦେଇଛନ୍ତି। ଓ୍ବାଲର୍ଡ ଓ୍ବାଇଡ୍ ଓ୍ବେବ୍ ଫାଉଣ୍ଡେଶନ (WWWF) ସହିତ ଯୋଗାଯୋଗ କରିବା ପରେ ହିଁ ଏହି କମ୍ପାନୀଗୁଡିକ ଏହି ସୂଚନା ଦେଇଛନ୍ତି। ଗୁରୁବାର ଏ ସମ୍ପର୍କରେ ଏକ ବିବୃତ୍ତି ଜାରି କରି କହିଛି ଯେ, ଅନ୍ଲାଇନ ଲିଙ୍ଗ ଭିତ୍ତିକ ହିଂସା ଏବଂ ଅପରାଧ ଉପରେ ଆମର ବୈଠକ ବେଳେ କୁହାଯାଇଛି ଯେ, ମହିଳାମାନଙ୍କ ପୋଷ୍ଟରେ ଯଦି କେହି ଅଶ୍ଳୀଳ ମନ୍ତବ୍ୟ ଦିଅନ୍ତି ତାହା ନିୟନ୍ତ୍ରଣ କରିବାର ଅଧିକାର ମହିଳାମାନଙ୍କ ପାଖରେ ରହିବା ଉଚିତ୍।
ଓ୍ବାଲର୍ଡ ଓ୍ବାଇଡ୍ ଓ୍ବେବ୍ ଫାଉଣ୍ଡେଶନ କହିଛି, ନିର୍ଦ୍ଦିଷ୍ଟ ସମୟ ମଧ୍ୟରେ କାର୍ଯ୍ୟ ସମାପ୍ତ ହେବା କମ୍ପାନୀଗୁଡ଼ିକ ଦ୍ୱାରା ନିଶ୍ଚିତ ହେବ। ଓ୍ବେବ୍ ଫାଉଣ୍ଡେଶନ ଏହା ମଧ୍ୟ କହିଛି ଯେ, ପ୍ରତିବର୍ଷ ଏହା କମ୍ପାନୀଗୁଡ଼ିକ ଦ୍ୱାରା ପ୍ରାପ୍ତ ପ୍ରତିଶ୍ରୁତି ଉପରେ ରିପୋର୍ଟ କରିବ।
ଓ୍ବେବ୍ ଫାଉଣ୍ଡେଶନର ସିନିୟର ପଲିସି ମ୍ୟାନେଜର ଆଜମିନା ଧ୍ରୋଡିଆ କହିଛନ୍ତି, ମହିଳାମାନେ ଆପତ୍ତିଜନକ ମନ୍ତବ୍ୟ କିମ୍ବା ଏହିପରି ବିଷୟବସ୍ତୁ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରିପୋର୍ଟିଂ ସିଷ୍ଟମକୁ ପୁନଃ ବିଚାର କରିବାକୁ ବାରମ୍ବାର ଜିଦ୍ ଧରିଛନ୍ତି। ପ୍ୟାରିସରେ ମିଳିତ ଜାତିସଂଘ ଜେନେରେସନ ସମାନତା ଫୋରମରେ ଟେକ୍ କମ୍ପାନୀଗୁଡିକ ଗୁରୁବାର ଏହି ପ୍ରତିଶ୍ରୁତି ଦେଇଛନ୍ତି। ଟିକ୍ଟକ୍ ଆମେରିକାର ନୀତି ନିର୍ଦ୍ଦେଶକ ତର ଓ୍ବାଡ୍ଓ୍ବା କହିଛନ୍ତି, ଆସନ୍ତା ମାସରେ ଆମେ ଆମର ପ୍ଲାଟଫର୍ମରେ ଅନେକ ପରିବର୍ତ୍ତନ ପରୀକ୍ଷା କରିବୁ ଏବଂ ପ୍ରାଥମିକତା ଭିତ୍ତିରେ କାର୍ଯ୍ୟ କରିବୁ। ଏହା ବ୍ୟତୀତ ଆମେ ମହିଳାମାନଙ୍କ ପାଇଁ ଟିକ୍ଟକ୍କୁ ସୁରକ୍ଷିତ କରିବୁ।