ଗୁଆହାଟୀ,୨।୯: ଇଣ୍ଡିଆ ବଦଳରେ ଦେଶକୁ ଭାରତ ବୋଲି ସମ୍ବୋଧନ କରନ୍ତୁ। ଏପରି କହିଛନ୍ତି ରାଷ୍ଟ୍ରୀୟ ସ୍ବଂୟ ସେବକ ସଂଘ(ଆରଏସଏସ) ମୁଖ୍ୟ ମୋହନ ଭଗଓ୍ବତ। ସେ କହିଛନ୍ତି, ଇଣ୍ଡିଆ ବଦଳରେ ଭାରତ ନାମ ବ୍ୟବହାର କରାଯିବା ଉଚିତ। ଏଥିପାଇଁ ମୁଁ ଲୋକଙ୍କୁ ଅନୁରୋଧ କରୁଛି। ପ୍ରାଚୀନ କାଳରୁ ଭାରତର ନାମ ଚାଲିଆସୁଛି ଏବଂ ଏହା ଆଗକୁ ମଧ୍ୟ ଜାରି ରହିବା ଉଚିତ ବୋଲି ସେ କହିଛନ୍ତି।
ସକଲ ଜୈନ ସମାଜର ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଭଗଓ୍ବତ କହିଛନ୍ତି୍, ଶତାବ୍ଦୀ ଶତାଦ୍ଦୀ ଧରି ଆମ ଦେଶର ନାମ ଭାରତ ରହିଆସିଛି। ଭାଷା ଯାହା ବି ହେଉ, ନାମ ସମାନ ରହିଥାଏ। ଆମ ଦେଶ ହେଉଛି ଭାରତ। ଆମକୁ ଇଣ୍ଡିଆ ନାମର ବ୍ୟବହାର ବନ୍ଦ କରିବାକୁ ପଡିବ ଏବଂ ଭାରତକୁ ସମସ୍ତ ବ୍ୟବହାରିକ କ୍ଷେତ୍ରରେ ଏହାର ବ୍ୟବହାର ବନ୍ଦ କରିବା ଆବଶ୍ୟକ। ସେତେବେଳେ ହିଁ କେବଳ ପରିବର୍ତ୍ତନ ଆସି ପାରିବ।