ମୁମ୍ବାଇ: ଦୀର୍ଘ ଦୁଇବର୍ଷ ହେବ ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ ନିଜର ଫ୍ୟାଶନକୁ ନେଇ ୟୁଜର୍ସମାନଙ୍କ ଟ୍ରୋଲର ଟାର୍ଗେଟ୍ରେ ରହୁଛି। କେବେକେବେ ଆଲିଆ ନିଜର ବୋରିଂ ଆଉଟ୍ଫିଟ୍କୁ ନେଇ ଚର୍ଚ୍ଚାକୁ ଆସିଥାନ୍ତି ତ ଆଉ କେତେବେଳେ ଜିମ୍ କି ରେଷ୍ଟୁରାଣ୍ଟକୁ ନେଇ। ସେ ବେଳେବେଳେ ଏମିତି କିଛି କରିଥାନ୍ତି ଫଳରେ ୟୁଜର୍ସ ଟ୍ରୋଲ କରିବାରେ ଲାଗିପଡ଼ନ୍ତି। ଏହା ପୂର୍ବରୁ ଆଲିଆ ଫ୍ୟାଶନକୁ ନେଇ ଅନେକ ପରୀକ୍ଷା କରିଥିବା ନଜର ଆସିଛନ୍ତି। ଏବେ ଜଣେ ପ୍ରଶଂସକ ତାଙ୍କ ଆଉଟ୍ଫିଟ୍ ଦେଖି ଭଡ଼କି ଉଠିଛନ୍ତି।
ଆଲିଆଙ୍କୁ ମୁମ୍ବାଇରେ ସ୍ପଟ୍ କରାଯାଇଥିଲା। ଏହି ସମୟରେ ସେ ଏକ ବ୍ଲାକ ଶର୍ଟ୍ ଗ୍ରେ ଏବଂ ଲାଇଟ୍ ବ୍ଲାକ୍ର ଏକ ଲଙ୍ଗ୍ ଟପ୍ ପିନ୍ଧିଥିଲେ। ଏହା ପିଙ୍କ୍, ବ୍ଲାକ୍ ଏବଂ ହ୍ବାଇଟ୍ କଲର ଥିଲା। ନୀତୁ କପୁରଙ୍କ ବାର୍ଥ ଡେ ପାର୍ଟିକୁ ନେଇ ବେଷ୍ଟ ଫ୍ରେଣ୍ଡଙ୍କ ସହ ଲଞ୍ଚ୍ ଡେଟ୍କୁ ନେଇ ଆଲିଆ ଖୁବ୍ ଚର୍ଚ୍ଚାରେ ଥିଲେ। ବର୍ତ୍ତମାନ ତାଙ୍କର ଆଉଟ୍ଫିଟ୍କୁ ନେଇ ସେ ପୁଣି ୟୁଜର୍ସଙ୍କ ଟାର୍ଗେଟ ପାଲଟିଛନ୍ତି।
ତାଙ୍କୁ ଏହି ଗେଟ୍ଅପ୍ରେ ଦେଖି ଜଣେ ୟୁଜର ପଚାରିଛନ୍ତି, କ’ଣ ଦେଖାଇବାକୁ ଚାହାନ୍ତି? ଆଉ ଜଣେ ୟୁଜର ଲେଖିଛନ୍ତି, ଆଲିଆ ନୁହଁ କାଲିଆ ଭଟ୍ଟ। ଆଲିଆ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ସମୟରେ ମଧ୍ୟ ଟ୍ରୋଲ ହୋଇଥିଲେ। ଖାଲି ଏତିକି ନୁହେଁ, ଆଲିଆଙ୍କ ଏପରି ରଙ୍ଗଢଙ୍ଗ ଦେଖି ଫଲୋଅର୍ସଙ୍କ ସଂଖ୍ୟା ବି କମିଗଲେଣି। ଫଲୋଅର୍ସମାନେ ଆଲିଆଙ୍କୁ ଦେଖି ଅନେକ ଟ୍ରୋଲ କରୁଥିଲେ। ଏହା ପରେ ଆଲିଆ ତାଙ୍କ କମେଣ୍ଟ ସେକ୍ସନ ବନ୍ଦ କରିଦେଇଛନ୍ତି।