ଅନୁଗୋଳ ଅଫିସ, ୭ା୫ ଅନୁଗୋଳ ଗାନ୍ଧୀ ଶାନ୍ତି ପ୍ରତିଷ୍ଠାନ, ବାଜି ରାଉତ ଛାତ୍ରାବାସ ଏବଂ ରାଷ୍ଟ୍ରୀୟ ଯୁବା ସଙ୍ଗଠନ ପକ୍ଷରୁ ଶୁକ୍ରବାର ଗାନ୍ଧିଜୀଙ୍କ ଅନୁଗୋଳ ଆଗମନର ୮୮ତମ ସ୍ମୃତି ଦିବସ ପାଳିତ ହୋଇଯାଇଛି। ସ୍ଥାନୀୟ ବସ୍ଷ୍ଟାଣ୍ଡରୁ ବାରିଥିବା ଶାନ୍ତି ପଦଯାତ୍ରା ନଗର ପରିକ୍ରମା କରି ଶିମିଳିପଡ଼ାସ୍ଥିତ ଗାନ୍ଧୀ ପ୍ରତିମୂର୍ତ୍ତି ନିକଟରେ ପହଞ୍ଚତ୍ଥିଲା। ଆୟୋଜିତ ସଭାରେ ଉତ୍କଳ ଗାନ୍ଧୀ ସ୍ମାରକ ନିଧିର ସଭାନେତ୍ରୀ କୃଷ୍ଣା ମହାନ୍ତି ସଭାପତିତ୍ୱ କରିଥିଲେ। ଅନୁଗୋଳରେ ଗାନ୍ଧୀ ଭବନ ନିର୍ମାଣ ଦୀର୍ଘବର୍ଷର ଦାବି। ଅଦ୍ୟାବଧି ଏହା ହୋଇପାରିନାହିଁ, ଯାହାକୁ ନେଇ ଉପସ୍ଥିତ ବକ୍ତାମାନେ କ୍ଷୋଭ ପ୍ରକାଶ କରିଥିଲେ।
ଗାନ୍ଧୀ ଶାନ୍ତି ପ୍ରତିଷ୍ଠାନ ଶାଖା ସଭାପତି ଶରତ ଚନ୍ଦ୍ର ସାହୁ, ଇଂ. ଧନେଶ୍ୱର ସାହୁ, ଡ. ବିଶ୍ୱଜିତ୍, ପ୍ରଫେସର କୁଳମଣି ନାୟକ, ଡ. ରମାମଞ୍ଜରୀ ଗଡ଼ନାୟକ, ପ୍ରଫେସର ଶାନ୍ତନୁ ସର, ପ୍ରଫେସର କୁମୁଦ ଚନ୍ଦ୍ର ଦାସ, ଡ. ଧରଣୀଧର ନାଥ, କୈଳାସ ଚନ୍ଦ୍ର ସାହୁ, ଗୋପାଳ ନାଥ, ସରସ୍ବତୀ ସ୍ବାଇଁ, ଅନ୍ତର୍ଯ୍ୟାମୀ ବରାଳ,
ପ୍ରାଧ୍ୟାପକ ବିଶ୍ୱରଞ୍ଜନ ପ୍ରଧାନ, ଶଙ୍କର ବେହେରା, ପର୍ଶୁରାମ ଦାସ, ସୁଶାନ୍ତ ତ୍ରିପାଠୀ, ଲମ୍ବୋ କୁମାର ପ୍ରଧାନ, ଅରୁଣ ସାହୁ, ପ୍ରଦ୍ୟୁମ୍ନ ନାୟକ, ପ୍ରତିମା ନାୟକ, ଲିପିକା ମହାପାତ୍ର, ମାନସ ପଟ୍ଟନାୟକ, ପ୍ରମୋଦ ଜେନା ପ୍ରମୁଖ ଯୋଗଦେଇଥିଲେ। ରାଷ୍ଟ୍ରୀୟ ଯୁବା ସଙ୍ଗଠନର ରାଜ୍ୟ ସଂଯୋଜକ ସୂର୍ଯ୍ୟନାରାୟଣ ନାଥ ଧନ୍ୟବାଦ ଅର୍ପଣ କରିଥିଲେ। ପ୍ରାରମ୍ଭରେ ହିନ୍ଦୁ, ଇସ୍ଲାମ, ଖ୍ରୀଷ୍ଟିଆନ, ମହିମା ଧର୍ମର ପ୍ରତିନିଧିମାନେ ନିଜ ଧର୍ମର ପ୍ରାର୍ଥନା ଆବୃତିି କରିଥିଲେ। ବାଜି ରାଉତ ଛାତ୍ରାବାସର ଅନ୍ତେବାସୀମାନେ ସଧର୍ମ ପ୍ରାର୍ଥନା ଗାନ କରିଥିଲେ।
ସୂଚନାଯୋଗ୍ୟ, ୧୯୩୪ ମେ’ ୬ରେ ମହାତ୍ମା ଗାନ୍ଧୀ ବିହାର ରାଜ୍ୟର ପାଟନାରୁ ହରିଜନ ଯାତ୍ରାରେ ବାହାରି ଝାରସୁଗୁଡ଼ା-ସମ୍ବଲପୁର-ବାମୁର ଦେଇ ଅନୁଗୋଳରେ ପହଞ୍ଚତ୍ଥିଲେ। ଏହି ସଭାରେ ୪୦୦ଟଙ୍କା ଆଦାୟ ହୋଇଥିଲ। ବାପୁଙ୍କୁ ପ୍ରଦାନ କରାଯାଇଥିବା ଏକ ପାଚିଲା ଆମ୍ବଟିକୁ ନିଲାମ କରି ସେ ୫ ଟଙ୍କା ସଂଗ୍ରହ କରିଥିଲେ।