ମସ୍କୋ,୬।୩: ୟୁକ୍ରେନ ଉପରେ ସାମରିକ ଆକ୍ରମଣର ବିରୋଧରେ ରୁଷିଆରେ ତେଜିବାରେ ଲାଗିଛି ଆନ୍ଦୋଳନ। ବିଭିନ୍ନ ସହରରେ ରବିବାର ଯୁଦ୍ଧ ବିରୋଧୀ ବିକ୍ଷୋଭରେ ଜଡ଼ିତ ୧,୧୦୦ ଲୋକଙ୍କୁ ଅଟକ ରଖାଯାଇଛି। ଏ ନେଇ ସୂଚନା ଦେଇଛି ବିରୋଧୀ ଦଳର ଆନ୍ଦୋଳନ ଉପରେ ନଜର ରଖୁଥିବା ମନିଟର (ଓଭିଡି-ଇନ୍ଫୋ)।
ଏହି ମନିଟର ପକ୍ଷରୁ କୁହାଯାଇଛି, ଅପରାହ୍ନ ୨ଟା ୨୦ ସୁଦ୍ଧା ୩୫ ସହରରେ ୧,୧୦୩ ଜଣଙ୍କୁ ଅଟକ ରଖାଯାଇଛି। ନୋଭୋସିବିର୍ସ୍କ ରାଜ୍ୟର ସାଇବେରିଆନ ସହରରେ ଅଟକ ରଖାଯାଇଥିବା ଆନ୍ଦୋଳନକାରୀଙ୍କ ସଂଖ୍ୟା ସର୍ବାଧିକ। ଦେଶର ରାଜଧାନୀ ମସ୍କୋର ଓ ସେଣ୍ଟ ପିଟରସବର୍ଗରେ ମଧ୍ୟ ଲୋକଙ୍କୁ ଅଟକ କରାଯାଇଛି।
୨୪ ତାରିଖରେ ଯୁଦ୍ଧ ଘୋଷଣା ହେବା ପରଠାରୁ ରୁଷିଆରେ ଆନ୍ଦୋଳନ ଚାଲିଛି। ଆନ୍ଦୋଳନକୁ ତୀବ୍ର ହେବାରୁ ରୋକିବା ପାଇଁ ଆନ୍ଦୋଳନକାରୀଙ୍କୁ ଅଟକ ରଖାଯାଉଛି। ଏପର୍ଯ୍ୟନ୍ତ ପ୍ରାୟ ୧୦ ହଜାର ଆନ୍ଦୋଳନକାରୀଙ୍କୁ ଅଟକ ରଖାଗଲାଣି।