ନୂଆଦିଲ୍ଲୀ/ଇସଲାମାବାଦ,୧୪।୨ : ଗତ ବର୍ଷ ଉଭୟ ଭାରତ ଏବଂ ପଡୋଶୀ ଦେଶ ପାକିସ୍ତାନ ଭୟଙ୍କର ବନ୍ୟା ପରିସ୍ଥିତିରେ ଉପୁଜିଥିଲା। ପ୍ରକାଶିତ ଏକ ରିପୋର୍ଟ ଅନୁଯାୟୀ, ଏକ ଅନ୍ତର୍ଜାତୀୟ ଅନୁସନ୍ଧାନକାରୀ ଦଳ ଜାଣିବାକୁ ପାଇଛନ୍ତି ଯେ ଜଳବାୟୁ ପରିବର୍ତ୍ତନ ବିପଦ କାରଣରୁ ଭାରତ ଏବଂ ପାକିସ୍ଥାନରେ ରହୁଥିବା ୫୦ ଲକ୍ଷରୁ ଅଧିକ ଲୋକ ଆଗାମୀ ସମୟରେ ପ୍ରବଳ ବନ୍ୟା ପରିସ୍ଥିତିର ସମ୍ମୁଖୀନ ହେବେ।
ଗ୍ଲାସିଆଲ ହ୍ରଦ ପ୍ରବାହିତ ବନ୍ୟା ହେବାର ଆଶଙ୍କା ଥିବା ଅଞ୍ଚଳଗୁଡିକର ପ୍ରଥମ ବିଶ୍ୱସ୍ତରୀୟ ଆକଳନରୁ ଜଣାପଡିଛି ଯେ ୧୫ ନିୟୁତ ଲୋକ ବିପଦରେ ଅଛନ୍ତି। ଜଳବାୟୁ ପରିବର୍ତ୍ତନ ଯୋଗୁ ଗ୍ଲାସିଆଲ ବନ୍ୟା ପରିସ୍ଥିତି ଉପୁଜିଛି। ପୃଥିବୀ ଗରମ ହେବା ସହିତ ଗ୍ଲେସିୟର ତରଳିବାରେ ଲାଗିଛି। କେଦାରନାଥରେ ଘଟିଥିବା ଭୟଙ୍କର ବିପର୍ଯ୍ୟୟ ସହିତ ଏହାକୁ ଯୋଡାଯାଇ ପାରିବ ବୋଲି ବିଶେଷଜ୍ଞମାନେ କହିଛନ୍ତି।
ବୈଜ୍ଞାନିକଙ୍କ ଅନୁଯାୟୀ, ଗ୍ଲାସିଆଲ ହ୍ରଦ ଆଉଟବର୍ଷ୍ଟ ବନ୍ୟା ଏହାର ଉତ୍ପତ୍ତିଠାରୁ ବହୁ ଦୂରରେ ବିନାଶ ଘଟାଇବାକୁ ସକ୍ଷମ। କେତେକ କ୍ଷେତ୍ରରେ, ଏହା ୧୨୦ କିଲୋମିଟରରୁ ଅଧିକ ଦୂରରେ ବିନାଶର କାରଣ ହୋଇପାରେ। ନେଚର କମ୍ୟୁନିକେଶନ ପତ୍ରିକାରେ ପ୍ରକାଶିତ ଏହି ନୂତନ ଅଧ୍ୟୟନରେ କୁହାଯାଇଛି ଯେ ଏହା ଏକ ବଡ଼ ଧରଣର ବିପଦକୁ ସୂଚିତ କରୁଛି। ଏହାଦ୍ୱାରା ବହୁ ଧନ ଜୀବନ ନଷ୍ଟ ହେବାର ଆଶଙ୍କା ରହିଛି। ବିଶ୍ୱସ୍ତରରେ, ୧୯୯୦ ଦଶକରୁ, ତଳିଆ ଅଞ୍ଚଳରେ ଜନସଂଖ୍ୟା ସହିତ ଗ୍ଲାସିଆଲ ହ୍ରଦର ସଂଖ୍ୟା ଏବଂ ଆକାରରେ ଦ୍ରୁତ ବୃଦ୍ଧି ଘଟିଛି ।
ନ୍ୟୁକେସଲ ବିଶ୍ୱବିଦ୍ୟାଳୟ ଦଳ ୧,୦୮୯ ଗ୍ଲାସିଆଲ ହ୍ରଦ ଅବବାହିକାର ଜନସଂଖ୍ୟା ଏବଂ ବିଶ୍ୱର ପ୍ରାୟ ୫୦ କିଲୋମିଟର ହ୍ରଦ ଆଖପାଖ ଅଞ୍ଚଳରେ ବାସ କରୁଥିବା ଜନସଂଖ୍ୟା ଅଧ୍ୟୟନ କରିଥିଲେ। ଏହା ପରେ ସେମାନେ ଏହି ସୂଚନାକୁ ବିଶ୍ୱସ୍ତରରେ କ୍ଷୟକ୍ଷତିର ମାପ ଏବଂ ମାନ୍ୟତା ଦେବା ଏବଂ ବନ୍ୟା ପରିସ୍ଥିତିର ମୁକାବିଲା ପାଇଁ ଲୋକଙ୍କ ଦକ୍ଷତାକୁ ଆକଳନ କରିବା ପାଇଁ ବ୍ୟବହାର କରିଥିଲେ। ସେମାନେ ଜାଣିବାକୁ ପାଇଲେ ଯେ ଏକ ଗ୍ଲାସିଆଲ ହ୍ରଦର ୫୦ କିଲୋମିଟର ପରିସର ମଧ୍ୟରେ ୧୫ ନିୟୁତ ଲୋକ ବାସ କରନ୍ତି । ଉଚ୍ଚ ପର୍ବତ ଅଞ୍ଚଳରେ ଏହା ଯୋଗୁ ଅଧିକ ବିପଦ ରହିଥାଏ। ତିବ୍ଦତୀୟ ମାଳଭୂମି, କିର୍ଗିଜସ୍ଥାନରୁ ଚାଇନା, ଭାରତ ଏବଂ ପାକିସ୍ଥାନର ବହୁ ଅଞ୍ଚଳ ଏଥିରେ ଅନ୍ତର୍ଭୁକ୍ତ।