କାଲିଫର୍ନିଆରେ ଏକ ସ୍ବତନ୍ତ୍ର ଘଟଣା ଘଟିଛି। ଫାତିମା ମାଡ୍ରିଗାଲ ନାମକ ଜଣେ ମହିଳା ନାଟିଭିଡାଡ ମେଡିକାଲରେ ୧୫ ମିନିଟର ବ୍ୟବଧାନରେ ଯାଆଁଳା ଶିଶୁ ଜନ୍ମ ଦେଇଥିଲେ।ଏଥିରେ କୌଣସି ବିଶେଷତ୍ୱ ନ ଥିଲେ ମଧ୍ୟ ଏହି ଯାଆଁଳା ପିଲା ଦୁଇଟି ଭିନ୍ନ ବର୍ଷ, ଦିନ ଏବଂ ମାସରେ ଜନ୍ମ ହୋଇଥିଲେ, ଯାହା ତାଙ୍କୁ ସ୍ବତନ୍ତ୍ର କରିଛି। ଫେସବୁକରେ ହସ୍ପିଟାଲ ଦ୍ୱାରା ଶେୟାର କରାଯାଇଥିବା ଏକ ପୋଷ୍ଟରେ ଘଟଣାର ବିବରଣୀ ଦିଆଯାଇଛି।
ଆଲିନ ଟ୍ରୁଜିଲୋ ଏବଂ ଆଲଫ୍ରେଡୋ ଟ୍ରୁଜିଲୋ ମାତ୍ର ୧୫ ମିନିଟ ବ୍ୟବଧାନରେ ଜନ୍ମ ହୋଇଥିଲେ, କିନ୍ତୁ ସେମାନଙ୍କ ମାତାପିତା ଜାଣି ନ ଥିଲେ ଯେ ଏ ଦୁହେଁ ଭିନ୍ନ ଭିନ୍ନ ବର୍ଷରେ ଜନ୍ମ ହୋଇ ରାତାରାତି ଇଣ୍ଟରନେଟ ସେନ୍ସେସ ହେବାକୁ ଯାଉଛନ୍ତି। ଏହି ପରିପ୍ରେକ୍ଷୀରେ, ନାଟିଭିଡାଡ ମେଡିକାଲ ଏକ ଫେସବୁକ ପୋଷ୍ଟରେ ଲେଖିଛି, ଆଏଲିନ ୟୋଲାଣ୍ଡା ଟ୍ରୁଜିଲୋ ଜାନୁୟାରୀ ୧ ଶନିବାର ମଧ୍ୟରାତ୍ରିରେ ଦୁନିଆରେ ପ୍ରବେଶ କରିଥିଲେ। ଏହି ସମୟରେ, ତାଙ୍କର ଯାଆଁଳା ଭାଇ ଆଲଫ୍ରେଡୋ ଆଣ୍ଟୋନିଓ ଟ୍ରୁଜିଲୋ ଡିସେମ୍ବର ୩୧ର ରାତି ୧୧: ୪୫ରେ ଜନ୍ମଗ୍ରହଣ କରିଥିଲେ।
ଯଆଁଳା ଶିଶଙ୍କୁ ମା’ ଫାତିମା କହିଛନ୍ତି, ଏହା ମୋ ପାଇଁ ଏକ ବିଶେଷ କଥା ଯେ ପ୍ରଥମେ ସେମାନେ ଯାଆଁଳା ଏବଂ ଦ୍ୱିତୀୟରେ ସେମାନେ ଭିନ୍ନ ଦିନରେ ଜନ୍ମ ହୋଇଥିଲେ। ମୁଁ ଆଶ୍ଚର୍ଯ୍ୟ ଏବଂ ଖୁସି ଯେ ମୋ ଝିଅ ରାତି ଅଧରେ ଜନ୍ମ ହେଲା।