ଓଡ଼ଗାଁ,୧୩ା୬(ଆଦର୍ଶ କୁମାର ପଟ୍ଟନାୟକ)ଗ୍ରୀଷ୍ମରେ ଲୋକେ ପାଣି ଗରାଏ ପାଇଁ ବ୍ୟସ୍ତ ହେଉଥିବା ବେଳେ ମୌସୁମୀର ଆଗମନ ହୋଇଛି ା ହେଲେ ପଡୋଶୀ ଜିଲାରେ ପ୍ରାକ୍ ମୌସୁମୀ ବର୍ଷା ଅନୁଭୁତ ହୋଇଥିବା ବେଳେ ନୟାଗଡ଼ ଜିଲା ଓଡ଼ଗାଁରେ ଏଯାବତ୍ ବର୍ଷା ହୋଇନାହିଁ। ଏପରିସ୍ଥଳେ ଉକ୍ତ ବ୍ଲକ ଅଧୀନ ରଙ୍ଗଣୀପାଟଣା ପଞ୍ଚାୟତ ଜାମୁସାହି ଗ୍ରାମରେ ୨ ବର୍ଷ ହେଲା ବଡ଼ ପୋଖରୀ ହୁଡା ହାଣାଯିବା ଦ୍ୱାରା ଜଳ ସଙ୍କଟ ସୃଷ୍ଟି ହୋଇଥିଲା ା ଲୋକେ ଜଳାଭାବ ଯୋଗୁ ନାନା ସମସ୍ୟା ଦେଇ ଗତି କରିଥିଲେ ା ଅମୃତ ସରୋବର ନାମରେ ହରିଲୁଟ କରିବାକୁ ଉଦ୍ୟମ ହୋଇଥିବା ବେଳେ ତାହା କାର୍ଯ୍ୟକାରୀ ହୋଇ ନ ଥିଲା ା ଏନେଇ ଗତ ମାସ ୧୨ ତାରିଖରେ ପ୍ରଶାସନିକ ଅଧିକାରୀଙ୍କ ମତାମତ ସହିତ ଏକ ରିପୋର୍ଟ ଧରିତ୍ରୀରେ ପ୍ରକାଶ ପାଇଥିଲା ା ହେଲେ କୌଣସି କାର୍ଯ୍ୟାନୁଷ୍ଠାନ ହୋଇ ନ ଥିଲା ା ଏହାପରେ ପୋଖରୀ ହୁଡା ବାନ୍ଧିବାରେ ପ୍ରଶାସନ ବିଫଳ ଶୀର୍ଷକ ରିପୋର୍ଟ ବୁଧବାର ପ୍ରକାଶ ପାଇଥିଲା ା
ସ୍ବଧାଦେବ ସିଂ ଆକ୍ସନ ମୁଡରେ ଆସିବା ଫଳରେ ମଙ୍ଗଳବାର ବିଳମ୍ବିତ ରାତିରେ ବଡ଼ ପୋଖରୀ ହୁଡାକୁ ଜେସିବି ଲଗାଇ ପୋତି ଦିଆଯାଇଥିବା ପଞ୍ଚାୟତ ନିର୍ବାହୀ ଅଧିକାରୀ ପ୍ରଦୀପ୍ତ ପଟ୍ଟନାୟକ ସୂଚନା ଦେଇଛନ୍ତି ା ହେଲ ପୋଖରୀ ହୁଡା ହାଣିବା ଓ ବାନ୍ଧିବା ସମୟରେ ସେ ସେଠାରେ ଉପସ୍ଥିତ ନ ଥିବା ଦର୍ଶାଇ ପୋଖରୀ ହୁଡା କିଏ ଓ କିପରି ବାନ୍ଧିଲା ସେ ଜାଣି ନ ଥିବା କହିଛନ୍ତି ା ଅନ୍ୟପକ୍ଷେ ଏବାବଦରେ ପଞ୍ଚାୟତରୁ କୌଣସି ଖର୍ଚ୍ଚ ହୋଇ ନ ଥିବା ସେ କହିଛନ୍ତି ା ମୌସୁମୀ ପ୍ରବେଶ ପୂର୍ବରୁ ଜିଲାପାଳଙ୍କ ଏତାଦୃଶ କାର୍ଯ୍ୟାନୁଷ୍ଠାନ ଯୋଗୁ ଗ୍ରାମବାସୀ ଜିଲାପାଳ ଓ ଧରିତ୍ରୀକୁ କୃତଜ୍ଞତା ଜଣାଇଛନ୍ତି ା
