ଭଣ୍ଡାରିପୋଖରୀ,୧୯ା୮(ଡି.ଏନ୍.ଏ.): ଭଣ୍ଡାରିପୋଖରୀ ବ୍ଲକର ସରସଦା ଓ ରଣଜିତ ପଞ୍ଚାୟତରେ କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟର ତଦାରଖ କରିଛନ୍ତି ଭଦ୍ରକ ଜିଲା ଗ୍ରାମ୍ୟ ଉନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ମଧୁସୂଦନ ଦାସ। ପିଡିଙ୍କ ସହ ଭଣ୍ଡାରିପୋଖରୀ ବିଡିଓ ବିଜୟ କୁମାର ସାହୁ, ବ୍ଲକ ସହକାରୀ ଯନ୍ତ୍ରୀ ସିଦ୍ଧାର୍ଥ ଶଙ୍କର ଦାସ ପ୍ରମୁଖ ବିଭାଗୀୟ ଅଧିକାରୀ ଦୁଇ ପଞ୍ଚାୟତ ରେ ହେଉଥିବା ଅଙ୍ଗନବାଡ଼ି,ପ୍ରଧାନମନ୍ତ୍ରୀ ଆବାସ, ଗୁହାଳ, ଶୌଚାଳୟ କାମର ଅଗ୍ରଗତି ନେଇ ତଦାରଖ କରିଥିଲେ। ଏହି ପଞ୍ଚାୟତରେ ହେଉଥିବା କାର୍ଯ୍ୟଗୁଡିକ ପ୍ରବାସୀ ଓଡ଼ିଆମାନେ କାର୍ଯ୍ୟ ପାଉ ନ ଥିବାରୁ ତାଙ୍କୁ କାର୍ଯ୍ୟ ଦେଇ କାମ କିପରି ଚାଲିଛି ତାହା ଦେଖିଥିଲେ। କାର୍ଯ୍ୟ ଦେଖି ତୁରନ୍ତ ବକେୟା ପାଉଣା ପ୍ରଦାନ ପାଇଁ ବିଡିଓଙ୍କୁ ପିଡି ପରାମର୍ଶ ଦେଇଥିଲେ।