ପାଟଣା,୨୫ା୧୧(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ଥାନା ଭାଲିଆଡିହା ନିକଟରେ ଏକ ବେଆଇନ ଗୋରୁ ବୋଝେଇ ଗାଡ଼ି ସୋମବାର ସକାଳୁ ଦୁର୍ଘଟଣାଗସ୍ତ ହୋଇ ଓଲଟି ପଡ଼ିଛି। ରାଇ ଡିହା ପାର୍ଶ୍ୱରୁ ଗୋରୁ ବୋଝେଇ ପିକ୍ଅପ୍ଟି ସାହାରପଡ଼ା ଅଭିମୁଖେ ଯାଉଥିବା ବେଳେ ଭାଲିଆଡିହା ବାଙ୍କ ନିକଟରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଦୁର୍ଘଟଣା ପରେ ମାଫିଆମାନେ ଗୋରୁଙ୍କୁ ନେଇ ଅନ୍ୟତ୍ର ଲୁଚାଇ ରଖିଥିବାବେଳେ ଦୁର୍ଘଟଣାସ୍ଥଳରୁ କିଛି ଦୂରରୁ ୭ ଗୋରୁଙ୍କୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି। ଏଥିମଧ୍ୟରୁ ଗୋଟିଏ ଗାଈ ଗୁରୁତର ହୋଇଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସ୍ଥାନୀୟ ଲୋକେ ପଶୁ ଡାକ୍ତରଙ୍କ ଦ୍ୱାରା ଗୁରୁତର ଗୋରୁଙ୍କ ଚିକିତ୍ସା କରାଉଛନ୍ତି।
