ଜଳେଶ୍ୱର,୫।୬: ଜଳେଶ୍ୱର ବ୍ଲକ ଅଧିନ ଆମ୍ବଳିଅଠା ନିକଟ ସୋଲପଟା ରାସ୍ତା କଡରେ ଥିବା ଏକ ଘର ଉପରେ ମେଟାଲ ବୋଝେଇ ଡମ୍ପର ଓଲଟି ଯାଇଥିଲା। ଘର ଭିତରେ ଶୋଇଥିବା ସୁଧୀର ଜେନା (୫୬) ଓ ସ୍ତ୍ରୀ ଗୀତାରାଣୀ ଜେନା(୫୩) ମେଟାଲ ତଳେ ଚାପି ହୋଇ ମୃତ୍ୟୁବରଣ କରିଛନ୍ତି। ଘରେ ଥିବା ବୋହୁ ରଂଜିତା ଜେନା, ନାତି ମହେଶ ଜେନା ଅଳ୍ପକେ ବତ୍ତି ଯାଇଛନ୍ତି। ୩ ପୁଅ ଦାଦନ ଖଟିବାକୁ ଯାଇଥିବା ବେଳେ ଗ୍ରାମବାସୀଙ୍କ ପକ୍ଷରୁ ମୃତଦେହ ରଖି ରାସ୍ତା ଅବରୋଧ କରିଥିଲେ। ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦର ବ୍ୟବସ୍ଥା କରିଛି।