ଛତ୍ରପୁର,୧୫ା୧(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ଥାନା ଅନ୍ତର୍ଗତ ଓଭରବ୍ରିଜ୍ ନିକଟ ଜାତୀୟ ରାଜପଥଠାରେ ଏକ ଚିତ୍ରାଳୟ ଗାଡ଼ି ଓଲଟି ୫ ଜଣ କର୍ମଚାରୀ ଆହତ ହୋଇଛନ୍ତି। ଆହତମାନେ ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ସୂଚନାଯୋଗ୍ୟ, ରବିବାର ଓଆର୍ ୦୨ ଏବି ୨୩୦୪ ନମ୍ବର ବିଶିଷ୍ଟ ଚିତ୍ରାଳୟ ଗାଡ଼ି ନାରାୟଣୀଠାରୁ ତାଳପଡ଼ା ଅଭିମୁଖେ ଯାଉଥିବା ବେଳେ ହଠାତ ଛତ୍ରପୁର ଓଭରବ୍ରିଜ୍ ନିକଟ ଜାତୀୟ ରାଜପଥଠାରେ ଏକ ଗାଈକୁ ବଞ୍ଚାଇବାକୁ ଯାଇ ଚିତ୍ରାଳୟ ଗାଡ଼ିଟି ଭରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଗାଡ଼ିରେ ବସିଥିବା ୫ ଜଣ ଚିତ୍ରାଳୟ ଓ ଲାଇଟ୍ ଆଣ୍ଡ୍ ସାଉଣ୍ଡ କର୍ମଚାରୀମାନେ ଆହତ ହୋଇ ଜାତୀୟ ରାଜପଥରେ ପଡ଼ିଥିଲେ। ଆହତମାନଙ୍କୁ ସ୍ଥାନୀୟ ଯୁବକମାନେ ଉଦ୍ଧାର କରି ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଆହତମାନେ ହେଲେ ପ୍ରଶାନ୍ତ କମାର(ଅଡ଼ବା), ରଞ୍ଜନ କୁମାର ପ୍ରଧାନ(ଚିକିଟି), ଏମ୍.ରବି (ଭୀଷ୍ମଗୀରି )ମନୋଜ ପାଇକ(ଉଦୟଗିରି )ଓ ପଓ୍ବନ ଦାସ।