ଭଞ୍ଜନଗର,୩୦।୧୨(ଡି.ଏନ.ଏ): କରୋନାର ସମ୍ଭାବ୍ୟ ଚତୁର୍ଥ ଲହରକୁ ସାମନା କରିବାକୁ ବିଭିନ୍ନ ବିଭାଗ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି। ଏଭଳି ସ୍ଥିତିରେ ରାଜ୍ୟ ସରକାର ଭଞ୍ଜନଗର ଉପଖଣ୍ଡ ଚିକିତ୍ସାଳୟର ଉନ୍ନତୀ ପ୍ରତି ଯେତିକି ଧ୍ୟାନ ଦେବାକଥା ଦେଉନାହାନ୍ତି। ଏହି ଡାକ୍ତରଖାନାରେ ଖାଲି ପଡିଥିବା ଡାକ୍ତର ପଦବୀ ପୂରଣ ହେଉନାହିଁ। କୋଭିଡ୍ ମୁକାବିଲା ଲାଗି ସ୍ଥାପନ ହୋଇଥିବା ଅକ୍ସିଜେନ ପ୍ଲାଣ୍ଟ କାର୍ଯ୍ୟକ୍ଷମର ସପ୍ତାହେ ପରଠୁ ଅଚଳ ହୋଇଛି। ୨୩ ଡାକ୍ତର ପଦବୀ ଥିବାବେଳେ ବର୍ତ୍ତମାନ ୧୪ ଜଣ ଡାକ୍ତର ଅଛନ୍ତି। ସେଥିମଧ୍ୟରୁ ୨ଜଣ ଡାକ୍ତର ସପ୍ତାହକୁ ୪ ଦିନ ଡେପୁଟେଶନରେ ଗାଲେରି ଏବଂ ଛତ୍ରପୁର ଯାଇଛନ୍ତି। ଫଳରେ ଅଧିକାଂଶ ସମୟ ଏଠାରେ ୧୨ଜଣ ଡାକ୍ତର ରହୁଛନ୍ତି। ୩ ମାସ ପୂର୍ବେ ଭଞ୍ଜନଗର ଉତ୍କଳ ସାମ୍ବାଦିକ ସଂଘ ଖାଲିଥିବା ଡ଼ାକ୍ତର ପଦବୀ ପୁରଣ ଦାବିରେ ଆନ୍ଦୋଳନ ପାଇଁ ସଜବାଜ ହେଉଥିବା ବେଳେ ଜିଲାର ଅନ୍ୟ ମେଡ଼ିକାଲରୁ ୩ଜଣ ଡାକ୍ତରଙ୍କୁ ଡେପୁଟେସନରେ ଅଣାଯାଇଥିଲା । ଏହାପରେ ଆନ୍ଦୋଳନ ଥମିଯାଇଥିଲା । ଇତିମଧ୍ୟରେ ଡେପୁଟେସନରେ ଆସିଥିବା ୩ ଡାକ୍ତରଙ୍କୁ ନିଜ ସ୍ଥାନକୁ ଫେରାଇ ନିଆଯାଇଛି । ସେହିପରି ଏଠାରେ ୩୩ ନର୍ସ ରହିବା ବଦଳରେ ୨୨ଜଣ ଅଛନ୍ତି । କୋଭିଡ୍ ସମୟରେ ଅଧିକାଂଶ ଗୁରୁତ୍ୱପୂର୍ଣ୍ଣ ମେଡ଼ିକାଲରେ ଅକ୍ସିଜେନ୍ ପ୍ଲାଣ୍ଟ ବିଭିନ୍ନ ସଂସ୍ଥା ମାଧ୍ୟମରେ ସ୍ଥାପନ ହୋଇଥିଲା। ଭଞ୍ଜନଗର ମେଡ଼ିକାଲ ପରିସରରେ ସ୍ଥାପନ ହୋଇଥିବା ପ୍ଲାଣ୍ଟଟି ଆମେରିକା ଭାରତ ଫାଉଣ୍ଡେଶନ (ଏଆଇଏଫ୍) ସହଯୋଗରେ ହୋଇଥିଲା। ଗୁଜରାଟ ଅହମ୍ମଦାବାଦର ଲବ୍ ଗ୍ରୁପ୍ ପକ୍ଷରୁ ୨୦୨୧ ଅଗଷ୍ଟ ୫ ତାରିଖରେ ପ୍ଲାଣ୍ଟ ସ୍ଥାପନ ହୋଇଥିବା ବେଳେ ସେହିବର୍ଷ ଡିସେମ୍ବରରେ ପରୀକ୍ଷାମୂଳକ ଭାବେ ପ୍ଲାଣ୍ଟ ଚାଲିଥିଲା। ମେଡିକାଲ ଖଟିଆରେ ଚିକିତ୍ସିତ ହେଉଥିବା ରୋଗୀଙ୍କୁ ପ୍ରାୟ ଏକ ସପ୍ତାହ ପାଇପ ଯୋଗେ ଅକ୍ସିଜେନ ଯୋଗାଣ ହୋଇଥିଲା। ଏହାପରେ ପ୍ଲାଣ୍ଟ ଅଚଳ ହୋଇପଡ଼ିଛି। ପ୍ଲାଣ୍ଟକୁ ସଚଳ କରିବା ପାଇଁ ଲବ୍ ଗ୍ରୁପକୁ ବାରମ୍ବାର ଚିଠି ଲେଖାଯାଇଥିଲା । କିନ୍ତୁ କମ୍ପାନୀ ଏଥିପ୍ରତି ଧ୍ୟାନ ଦେଇ ନ ଥିଲା । ଗତ ମାସରେ କମ୍ପାନୀ ମରାମତି ପାଇଁ ଲକ୍ଷାଧିକ ଟଙ୍କାର ଏକ ଏଷ୍ଟିମେଟ୍ ଭଞ୍ଜନଗର ମେଡ଼ିକାଲକୁ ପଠାଇଥିଲା। ଏହାପରେ ମେଡ଼ିକାଲ ପକ୍ଷରୁ ଉକ୍ତ ଏଷ୍ଟିମେଟ ସିଡ଼ିଏମ୍ଓଙ୍କ ପାଖକୁ ପଠାଇ