ମାଲାୟାଲମ ସିନେମାର ପ୍ରସିଦ୍ଧ ତଥା ଲେଖକ ପି ବାଲାଚନ୍ଦ୍ରନଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୯ ବର୍ଷ ବୟସ ହୋଇଥିଲା। ସେ କେରଳର ଭାଏକୋମ ସ୍ଥିତ ତାଙ୍କ ବାସଭବନରେ ସୋମବାର ସକାଳ ପ୍ରାୟ ପାଞ୍ଚଟା ବେଳେ ଶେଷ ନିଶ୍ୱାସ ତ୍ୟାଗ କରିଥିଲେ। ଗତ କିଛି ମାସ ଧରି, ବାଲାଚନ୍ଦ୍ରନ ଅମୃତା ହସ୍ପିଟାଲରେ ଚିକିତ୍ସିତ ହେଉଥିଲେ।
ପଦ୍ମନାଭନ ବାଲାଚନ୍ଦ୍ରନ ନାୟାର ଫେବୃୟାରୀ ୨, ୧୯୫୨ରେ କେରଳର କୋଲାମ ଜିଲାର ଏକ ଗାଁରେ ଜନ୍ମଗ୍ରହଣ କରିଥିଲେ। ସେ ମାଲାୟାଲମ ଫିଲ୍ମ ଇଣ୍ଡଷ୍ଟ୍ରିରେ ସ୍କ୍ରିନ ରାଇଟର୍ ଏବଂ ଅଭିନେତା ଭାବରେ କାର୍ଯ୍ୟ କରିଥିଲେ। ଏହି ଅଭିନେତା ‘ତ୍ରିଭେନ୍ଦ୍ରମ ଲଜ’, ‘ଥ୍ୟାଙ୍କ୍ ୟୁ’, ‘ସାଇଲେନ୍ସ’ ଭଳି ଅନେକ ଚଳଚ୍ଚିତ୍ରରେ କାମ କରିଛନ୍ତି। ସେ ନ୍ୟାସନାଲ ସ୍କୁଲ ଅଫ ଡ୍ରାମାରେ ଅଧ୍ୟୟନ କରିଥିଲେ ଏବଂ ୧୯୯୧ରେ ମୋହନଲାଲଙ୍କ ଦ୍ୱାରା ରିଲିଜ ହୋଇଥିବା ‘ଅଙ୍କଲ ବନ୍’ରୁ ତାଙ୍କ କ୍ୟାରିଅର୍ ଆରମ୍ଭ କରିଥିଲେ।