ନୂଆଦିଲ୍ଲୀ,୩ ।୨: ପୂର୍ବତନ କେନ୍ଦ୍ରୀୟ ଅର୍ଥମନ୍ତ୍ରୀ ପି ଚିଦାମ୍ବରମଙ୍କ ରାଜ୍ୟ ସଭାରେ ବସିବାର ସିଟରେ ପରିବର୍ତ୍ତନ କରାଯାଇଛି । ରାଜ୍ୟ ସଭାରେ ଚିଦାମ୍ବରମଙ୍କ ବସିବାରୁ ନେଇ ବ୍ୟବସ୍ଥାରେ ପରିବର୍ତ୍ତନ କରାଯାଇ ଏବେ ତାଙ୍କୁ ଫ୍ରଣ୍ଟ ରୋରେ ଏକ ସିଟ ମିଳିଛି । ମିଳିଥିବା ସୂଚନା ଅନୁଯାୟୀ, ପାର୍ଲାମେଣ୍ଟର କେତେଜଣ ବରିଷ୍ଠ ସଦସ୍ୟ ବା ଏମପି, ପୂର୍ବତନ ପ୍ରଧାନମନ୍ତ୍ରୀ ଓ ସଂସଦୀୟ ଦଳର ଯୋଗ୍ୟ ନେତାଙ୍କୁ ଫ୍ରଣ୍ଟ ରୋର ସିଟ୍ ଦିଆଯାଉଛି ।
ସାତ ଥର ଲୋକ ସଭାର ସଦସ୍ୟ ଥିବା ଚିଦାମ୍ବରମ ପାର୍ଲାମେଣ୍ଟର ଅପର ହାଉରେ ନିଜର ଦ୍ୱିତୀୟ କାର୍ଯ୍ୟକାଳ ପୁରା କରୁଛନ୍ତି । ଫ୍ରଣ୍ଟ ରୋରେ ଭ୍ୟାକେଂସି କଂଗ୍ରେସ ନେତା ଏକେ ଅଣ୍ଟୋନି ଓ ଆନନ୍ଦ ଶର୍ମାଙ୍କ ରିଟାୟରମେଣ୍ଟ ସହ ହୋଇଥିଲା । ଚିଦାମ୍ବରମଙ୍କ ପ୍ରମୋଶନ ଆର୍ଥିକ ବର୍ଷ ୨୦୨୩-୨୪ର ସାଧାରଣ ବଜେଟ ପୂର୍ବରୁ ହୋଇଥିଲା । ଏହାସହ ସେ ବିରୋଧି ଦଳର ପ୍ରମୁଖ ବକ୍ତାଙ୍କ ମଧ୍ୟରୁ ଜଣେ ।
ଏହା ବ୍ୟତୀତ ଦେଶର ପୂର୍ବତନ ପ୍ରଧାନମନ୍ତ୍ରୀ ତଥା ରାଜ୍ୟ ସଭା ଏମପି ମନମୋହନ ସିଂଙ୍କ ସିଟରେ ବି ପରିବର୍ତ୍ତନ କରାଯାଇଛି । ମନମୋହନ ସିଂ ରାଜ୍ୟ ସଭାରେ ଆଗ ଧାଡିରେ ବସୁଥିଲେ ହେଲେ ଏବେ ତାଙ୍କୁ ପଛକୁ ପଠାଇ ଦିଆଯାଇଛି । ସେ ଶେଷ ଲାଇନରେ ବସିବେ । ମନମୋହନ ସିଂ ଏବେ ଅସୁସ୍ଥ ଅଛନ୍ତି ଓ ହ୍ୱିଲ ଚେୟାରରେ ବସୁଛନ୍ତି, ତେଣୁ ଏହାକୁ ନଜରରେ ରଖି ତାଙ୍କୁ ପଛକୁ ସିଟ୍ ଦିଆଯାଇଛି ।
