ନୂଆଦିଲ୍ଲୀ,୨୯ା୯: ନିଯୁକ୍ତି ସଂକ୍ରାନ୍ତ କ୍ୟାବିନେଟ୍ କମିଟି ସୋମବାର ୧୯୮୬ ବ୍ୟାଚ୍ ଗୁଜରାଟ କ୍ୟାଡର ଆଇଏଏସ୍ ଅଧିକାରୀ ପି.ଡି. ବାଘେଲାଙ୍କୁ ଟେଲିକମ୍ ରେଗୁଲେଟୋରି ଅଥରିଟି ଅଫ୍ ଇଣ୍ଡିଆ (ଟ୍ରାଇ)ର ନୂଆ ମୁଖ୍ୟ ଭାବେ ନିଯୁକ୍ତି ପ୍ରଦାନ କରିଛି। ସେ ୩ ବର୍ଷ କିମ୍ବା ତାଙ୍କୁ ୬୫ ବର୍ଷ ହେବା ବା ପରବର୍ତ୍ତୀ ନିର୍ଦ୍ଦେଶ ଯେଉଁଟା ଶୀଘ୍ର ହେବ ସେ ପର୍ଯ୍ୟନ୍ତ ଏହି ପଦବୀରେ ରହିପାରିବେ। ୨୦୧୯ ଅଗଷ୍ଟରୁ ବାଘେଲା ଫାର୍ମାସ୍ୟୁଟିକାଲ୍ସର ସଚିବ ଭାବେ କାର୍ଯ୍ୟ କରିଆସୁଥିଲେ। ମେଡିସିନ ଓ ମେଡିକାଲ ଦ୍ରବ୍ୟର ଦର ନିର୍ଦ୍ଧାରଣ କ୍ଷେତ୍ରରେ ସେ ପ୍ରମୁଖ ଭୂମିକା ଗ୍ରହଣ କରିଥିଲେ। ୨୦୧୭ରେ ଜିଏସ୍ଟି କାର୍ଯ୍ୟକାରୀ କରିବାରେ ସେ ଅନ୍ୟତମ ଅମଲାତନ୍ତ୍ରୀ ଥିଲେ। ସେପ୍ଟେମ୍ବର ୩୦ରେ ଆର୍.ଏସ୍ ଶର୍ମାଙ୍କ ଅବସର ପରେ ବାଘେଲା ଦାୟିତ୍ୱ ଗ୍ରହଣ କରିବେ।
