ହାଇଦ୍ରାବାଦ, ୮ା୪: ଜଣାଶୁଣା ଭାରତୀୟ ସର୍ଜନ ଡା. ପି. ରଘୁରାମ ଗ୍ଲାସ୍ଗୋର ରୟାଲ କଲେଜ ଅଫ୍ ଫିଜିସିଆନ୍ସ ଆଣ୍ଡ ସର୍ଜନ୍ସ (ଆର୍ସିପିଏସ୍ଜି)ର ଅନ୍ତର୍ଜାତୀୟ ଉପଦେଷ୍ଟା ନିଯୁକ୍ତ ହୋଇଛନ୍ତି। ଏହା ବିଶ୍ୱର ସର୍ବପୁରାତନ ରୟାଲ କଲେଜ। ରଘୁରାମ ଏବେ ହାଇଦ୍ରାବାଦସ୍ଥିତ କେଆଇଏମ୍ଏସ୍- ଉଷାଲକ୍ଷ୍ମୀ ସେଣ୍ଟର ଫର୍ ବ୍ରେଷ୍ଟ ଡିଜିଜ୍ର ନିର୍ଦ୍ଦେଶକ ଅଛନ୍ତି। ଏଭଳି ପଦବୀରେ ନିଯୁକ୍ତି ପାଇବାରେ ସେ ତେଲଙ୍ଗାନା ଏବଂ ଆନ୍ଧ୍ରପ୍ରଦେଶରୁ ପ୍ରଥମ ଡାକ୍ତର। ପଦ୍ମଶ୍ରୀ ପୁରସ୍କାରପ୍ରାପ୍ତ ରଘୁରାମ ଆର୍ସିପିଏସ୍ଜିକୁ ଲକ୍ଷ୍ୟ ହାସଲ ଲାଗି ଗୁରୁତ୍ୱପୂର୍ଣ୍ଣ ପରାମର୍ଶ ପ୍ରଦାନ କରିବେ।