ଆଗ୍ରା,୧୯ା୧୧: ଉତ୍ତରପ୍ରଦେଶର ଆଗ୍ରାରେ ଏକ ଲଜ୍ଜା ଜନକ ଘଟଣା ଘଟିଛି। ପ୍ରାଦେଶିକ ସଶସ୍ତ୍ର ପୋଲିସ ବିଭାଗରେ କାର୍ଯ୍ୟରତ ଜଣେ କନ୍ଷ୍ଟେବଲ ଜଣେ ୨୩ ବର୍ଷୀୟା ଯୁବତୀଙ୍କୁ ବଳାତ୍କାର କରିଥିବା ଅଭିଯୋଗ ହୋଇଛି। ଗତ ୫ ତାରିଖରେ ଯୁବତୀଙ୍କ ନିର୍ବନ୍ଧ ହୋଇଥିଲା। ସେ ମ୍ୟାରେଜ୍ ହୋମ୍ର ବାକି ଟଙ୍କା ପୈଠ କରିବାକୁ ଯାଉଥିଲେ। ହେଲେ ବାଟରେ କନ୍ଷ୍ଟେବଲ ଯୋଗେଶ କୁମାର ତାଙ୍କୁ ଅଟକାଇ ବାଇକ୍ରେ ଯିବାକୁ କହିଥିଲେ।
ସେ ଯୁବତୀଙ୍କୁ ନେଇ ମ୍ୟାରେଜ୍ ହୋମ୍ରେ ପହଞ୍ଚିଥିଲେ। ପରେ ସେଠାରେ ଏକ ରୁମ୍କୁ ଡାକିନେଇ କନ୍ଷ୍ଟେବଲ ବଳାତ୍କାର କରିଥିଲେ ବୋଲି ପୀଡ଼ିତା ଥାନାରେ ଅଭିଯୋଗ କରିଛନ୍ତି।
ଏନେଇ କନ୍ଷ୍ଟେବଲଙ୍କ ବିରୋଧରେ ପୋଲିସ ଆଇପିସିର ଦଫା ୩୭୬, ୩୨୩ ଏବଂ ୫୦୬ରେ ମାମଲା ରୁଜୁ କରିଛି। କନ୍ଷ୍ଟେବଲ ପୀଡ଼ିତାଙ୍କ ଅଶ୍ଳୀଳ ଭିଡିଓ ଉତ୍ତୋଳନ କରିବା ସହ ଏହାକୁ ସୋସିଆଲ ମିଡିଆରେ ଛାଡ଼ିବେ ବୋଲି ଧମକ ଦେଇଥିବା ଯୁବତୀ ଜଣକ କହିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ ଅଭିଯୁକ୍ତ କନ୍ଷ୍ଟେବଲଙ୍କୁ ଗିରଫ କୋର୍ଟ ଚାଲାଣ କରିଛି।