ନୂଆଦିଲ୍ଲୀ,୧୧।୨: ପଦ୍ମ ଭୂଷଣ ପୁରସ୍କାର ପ୍ରାପ୍ତ ସାମାଜିକ କର୍ମୀ (ମହିଳା ଅଧିକାର କର୍ମୀ) ଏଲା ଭଟ୍ଟଙ୍କ ପରଲୋକ ଘଟିଛି। ସେ ୮୯ ବର୍ଷ ବୟସରେ ଅହମ୍ମଦାବାଦର ଏକ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମହିଳା ସଶକ୍ତିକରଣରେ ଇଲା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେ ଅନେକ ଅଭିଯାନ ମାଧ୍ୟମରେ ମହିଳାଙ୍କ ଅଧିକାର ପାଇଁ ଲଢିଥିଲେ। ତାଙ୍କୁ ୧୯୭୭ରେ ରାମନ ମ୍ୟାଗସେସେ ପୁରସ୍କାର, ୧୯୮୬ରେ ରାଇଟ ଲାଇଭଲିହୁଡ ଆୱାର୍ଡ ଏବଂ ପଦ୍ମ ଭୂଷଣ ସମ୍ମାନରେ ସମ୍ମାନିତ କରାଯାଇଥିଲା।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଲା ଭଟ୍ଟଙ୍କ ମୃତ୍ୟୁରେ ସମବେଦନା ଜଣାଇଛନ୍ତି। ପ୍ରଧାନମନ୍ତ୍ରୀ ଟୁଇଟ କରି ଲେଖିଛନ୍ତି, ଇଲା ଭଟ୍ଟଙ୍କ ପରଲୋକ ବିଷୟରେ ଜାଣି ଦୁଃଖିତ। ଯୁବଗୋଷ୍ଠୀଙ୍କ ମଧ୍ୟରେ ମହିଳା ସଶକ୍ତିକରଣ, ସାମାଜିକ ସେବା ତଥା ଶିକ୍ଷାକୁ ପ୍ରୋତ୍ସାହିତ କରିବା ପାଇଁ ତାଙ୍କୁ ଦୀର୍ଘ ଦିନ ଧରି ସ୍ମରଣ କରାଯିବ। ତାଙ୍କ ପରିବାର ସଦସ୍ୟ ତଥା ପ୍ରଶଂସକଙ୍କ ପ୍ରତି ସମବେଦନା।