ସିଲ୍ହେଟ୍,୮ା୧୦(ପି.ଟି.): ମହିଳା ଟି୨୦ କ୍ରିକେଟ ଏସିଆ କପ୍ ଟୁର୍ନାମେଣ୍ଟରେ ଭାରତ ଶୁକ୍ରବାର ପାକିସ୍ତାନଠାରୁ ୧୩ ରନରେ ହାରିଯାଇଛି। ୬ବର୍ଷ ମଧ୍ୟରେ ଭାରତ ବିପକ୍ଷରେ ଏହା ହେଉଛି ପାକିସ୍ତାନ ମହିଳା ଦଳର ପ୍ରଥମ ବିଜୟ। ଏହି ମ୍ୟାଚରେ ପ୍ରଥମେ ବ୍ୟାଟିଂ କରିବାକୁ ଯାଇ ପାକିସ୍ତାନ ନିର୍ଦ୍ଧାରିତ ଓଭରରେ ୬ ଉଇକେଟ ବିନିମୟରେ ୧୩୭ ରନ କରିଥିଲା। ଜବାବରେ ଏସିଆର ସବୁଠାରୁ ଶକ୍ତ ଦଳ ବୋଲି କୁହାଯାଉଥିବା ଭାରତ ୧୯.୪ ଓଭରରେ ମାତ୍ର ୧୨୪ ରନ କରି ଅଲଆଉଟ ହୋଇଯାଇଥିଲା। ଥାଇଲାଣ୍ଡଠାରୁ ଦୁଃଖଦ ପରାଜୟର ୨୪ ଘଣ୍ଟା ପରେ ଶୁକ୍ରବାରର ଏହି ବିଜୟ ସହ ପାକିସ୍ତାନ ଟୁର୍ନାମେଣ୍ଟକୁ ପ୍ରତ୍ୟାବର୍ତ୍ତନ କରିଛି। ମ୍ୟାଚରେ ଭାରତ ଏକଦା ୬୫ ରନରେ ୫ ଉଇକେଟ ହରାଇଥିଲା। ଏହି ଗେମ୍ ପୂର୍ବରୁ ଭାରତ ବିପକ୍ଷରେ ପାକିସ୍ତାନ ୨୦୧୬ରେ ନୂଆଦିଲ୍ଲୀରେ ଅନୁଷ୍ଠିତ ଟି୨୦ ବିଶ୍ୱକପ୍ରେ ଏକ ବିଜୟ ଲାଭ କରିଥିଲା। ମୋଟ ଉପରେ ପାକିସ୍ତାନ ଉପରେ ଭାରତର ବିଜୟ-ପରାଜୟ ରେକର୍ଡ ୧୦-୨ ରହିଛି। ସଂକ୍ଷିପ୍ତ ସ୍କୋର
ପାକିସ୍ତାନ ୨୦ ଓଭରରେ ୧୩୭/୬ (ନୀଦା ଦର୍-୫୬*, ବିସ୍ମା ମାରୁଫ-୩୨; ଦୀପ୍ତି ଶର୍ମା-୩/୨୭, ପୂଜା ବସ୍ତ୍ରାକାର-୨/୨୩)। ଭାରତ ୧୯.୪ ଓଭରରେ ୧୨୪/ଅଲଆଉଟ: ରିଚା ଘୋଷ୍-୨୬, ନାଶ୍ରା ସାନ୍ଧୁ-୩/୩୦, ନୀଦା ଦର୍-୨/୨୩ ଓ ସାଦିଆ ଇକ୍ବାଲ-୨-୨୪)।