ଅଙ୍କାରା, ୧୩ା୧: ଯୌନ ଅପରାଧ ପାଇଁ ଆତ୍ମଘୋଷିତ ମୁସଲମାନ ଧର୍ମ ପ୍ରଚାରକ ଅଦନାନ୍ ଅକ୍ତାରଙ୍କୁ ୧,୦୭୫ ବର୍ଷ ଜେଲ ଦଣ୍ଡରେ ଦଣ୍ଡିତ କରିଛନ୍ତି ତୁର୍କୀର ଏକ କୋର୍ଟ। ଆପରାଧିକ ଗ୍ୟାଙ୍ଗର ନେତୃତ୍ୱ ନେବା, ଠକେଇ, ପ୍ରତାରଣା, ଯୌନ ଶୋଷଣ ଆଦି ମାମଲାରେ ୬୪ ବର୍ଷୀୟ ଅଦନାନ୍ଙ୍କୁ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ଅଦନନ୍ ଏ୯ ନାମରେ ଟିଭି ଚ୍ୟାନେଲ ଚଲାଇ ଇସ୍ଲାମିକ ବିଷୟ ସହ ଜଡିତ ଟକ୍ ଶୋ ଆୟୋଜନ କରୁଥିଲେ। ସେ ଏହି ଶୋ’ରେ ଅର୍ଦ୍ଧନଗ୍ନ ଅବସ୍ଥାରେ ଝିଅମାନଙ୍କ ନୃତ୍ୟ ପରିବେଷଣ କରାଇ ଟେଲିକାଷ୍ଟ କରିଥିଲେ। ସେମାନଙ୍କୁ ମଧ୍ୟରୁ ଅନେକ ନିଜ ପରିଚୟ ଲୁଚାଇବାକୁ ପ୍ଲାଷ୍ଟିକ ସର୍ଜରି କରିଥିଲେ। ତାଙ୍କର ହଜାରେରୁ ଅଧିକ ପ୍ରେମିକା ରହିଛନ୍ତି। ପ୍ରାୟ ୨ ଶହରୁ ଊର୍ଦ୍ଧ୍ୱ ସହଯୋଗୀଙ୍କ ସହ ତାଙ୍କୁ ୨୦୧୮ରେ ଗିରଫ କରାଯାଇଥିଲା। ଅଦ୍ନାନ୍ଙ୍କ ସହ ତାଙ୍କ ଅନ୍ୟ ୨ ସହଯୋଗୀଙ୍କୁ ତର୍କାନ ୟାଭାସ୍ ଓ ଅକ୍ତାର ବାବୁନାଙ୍କୁ ଯଥାକ୍ରମେ ୨୧୧ ଏବଂ ୧୮୬ ବର୍ଷ ଜେଲ ଦଣ୍ଡାଦେଶ ହୋଇଛି।
