ଇସଲାମାବାଦ,୧୭ ।୪: ପାକିସ୍ତାନ ବାୟୁସେନା ଶନିବାର ରାତିରେ ତା’ର ପଡୋଶୀ ଦେଶ ଆଫଗାନିସ୍ତାନ ଉପରେ ବୋମାମାଡ କରିଥିବା ସୂଚନା ମିଳିଛି । ଏହି ବୋମାମାଡରେ ଶିଶୁ ଓ ମହିଳାଙ୍କ ସମେତ ମୋଟ ୩୦ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ପାକିସ୍ତାନ ସେନା ପକ୍ଷରୁ ପାକିସ୍ତାନର ଉତ୍ତର ବଜିରିସ୍ତାନରେ ଆତଙ୍କବାଦୀଙ୍କ ଆକ୍ରମଣରେ ଅତିକମରେ ୮ ସେନାଙ୍କ ମୃତ୍ୟୁ ହେବା ପରେ ପାକିସ୍ତାନ ଏହି ବୋମାମାଡ କରିଛି । ଏହି ଆକ୍ରମଣ ପରେ ତାଲିବାନ ଅସନ୍ତୁଷ୍ଟ ପ୍ରକାଶ କରି ପାକିସ୍ତାନର ରାଷ୍ଟ୍ରଦୂତ ମସୁର ଅହମ୍ମଦ ଖାଁଙ୍କୁ ଆଗକୁ ଏପରି କାର୍ଯ୍ୟ ନ କରିବକୁ ଚେତାବନୀ ଦେଇଛି । ଏହି ଆକ୍ରମଣ ପରେ ପାକିସ୍ତାନ ତହରିକ-ଏ-ତାଲିବାନ(ଟିଟିପି)ଏକ ବୟାନ ଜାରି କରି ଆଫଗାନିସ୍ତାନରେ ପାକିସ୍ତାନ ଆକ୍ରମଣ କରିଥିବା କଥା କହିଛନ୍ତି । ସଙ୍ଗଠନ କହିଛି, ବୋମା ଯୋଗେ ଉଡାଇ ଦେବାକୁ ପ୍ରବାସୀ ଶିବିରକୁ ଟାର୍ଗେଟ କରାଯାଇଥିଲା ।