ଦୁବାଇ,୨୩।୧୦: ରବିବାର ଭାରତ-ପାକିସ୍ତାନ ମଧ୍ୟରେ ଟି-୨୦ ବିଶ୍ୱକପ୍ର ସବୁଠାରୁ ବଡ଼ ମୁକାବିଲା ଖେଳାଯିବ। ଏହାର ଗୋଟିଏ ଦିନ ପୂର୍ବରୁ ପାକିସ୍ତାନ ୧୨ ଜଣିଆ ସ୍କ୍ବାର୍ଡ ଘୋଷଣା କରିଛି। ବାବର ଆଜମଙ୍କ ନେତୃତ୍ୱାଧୀନ ପାକିସ୍ତାନ ଟିମ୍ରେ ମହମ୍ମଦ ରିଜଓ୍ବାନ ଉଇକେଟକିପର୍ ଦାୟିତ୍ୱ ତୁଲାଇବେ। ସୋଏବ ମଲିକ, ମହମ୍ମଦ ହଫିଜ, ଫକର ଜମାନ, ଶାହୀନ ଆଫ୍ରିଦି, ହାସନ ଅଲ୍ଲୀ ଏବଂ ଶାଦାବ ଖାନଙ୍କୁ ଦଳରେ ସୁଯୋଗ ମିଳିଛି। ଏହାଛଡ଼ା ଅସିଫ ଅଲୀ, ଇମାଦ ଓ୍ବାସିମ, ହରିସ ରୌଫ ଏବଂ ହାଇଦର ଅଲ୍ଲୀ ୧୨ଜଣିଆ ତାଲିକାରେ ଅଛନ୍ତି।
ପ୍ରକାଶ ଯେ, ଭାରତ ଶେଷଥର ଲାଗି ୨୦୧୯ ଦିନିକିଆ ବିଶ୍ୱକପ୍ରେ ପାକିସ୍ତାନକୁ ଭେଟିଥିଲା। ଏଥିରେ ଟିମ୍ ଇଣ୍ଡିଆ ୮୯ ରନ୍ରେ ବିଜୟୀ ହୋଇଥିଲା। ଦୁଇ ବର୍ଷ ପରେ ପୁଣିଥରେ ଭାରତ-ପାକ୍ ମଧ୍ୟରେ ମୁକାବିଲା ହେବାକୁ ଯାଉଥିବାରୁ ପ୍ରଶଂସକମାନେ ଉତ୍ସାହିତ ଅଛନ୍ତି। ଆଜିଯାଏ ଖେଳାଯାଇଥିବା ବିଶ୍ୱକପ୍ ମ୍ୟାଚ୍ରେ ଗୋଟିଏ ଥର ବି ପାକିସ୍ତାନ ଜିତିପାରିନାହିଁ। ଏଣୁ ଚଳିତ ଥର ଦଳ ନିଜର ଭାଗ୍ୟ ବଦଳାଇବାକୁ ଚେଷ୍ଟା କରିପାରେ ବୋଲି ଚର୍ଚ୍ଚା ହେଉଛି।
Pakistan’s 12 for their #T20WorldCup opener against India.#WeHaveWeWill pic.twitter.com/vC0czmlGNO
— Pakistan Cricket (@TheRealPCB) October 23, 2021
