ଇସଲାମାବଦ,୧୮।୧: ଇରାନ ମଙ୍ଗଳବାର ପାକିସ୍ତାନ ଉପରେ ଆକ୍ରମଣ କରିଥିବାବେଳେ ପାକିସ୍ତାନ ଗୁରୁବାର ଇରାନ ଉପରେ ଆକ୍ରମଣ କରିଛି। ଇରାନ ଜୈଶ ଅଲ-ଅଦଲ ଗୋଷ୍ଠୀର ମୁଖ୍ୟାଳୟ ଉପରେ ଆକ୍ରମଣ କରିଥିଲା। ପାକିସ୍ତାନ ଏହାକୁ ଦେଶର ସୁରକ୍ଷା ବିରୋଧରେ ଆକ୍ରୋଶର ଜବାବରେ ଇରାନ ଦ୍ୱାରା ନିଆଯାଇଥିବା ଅନ୍ୟ ଏକ ନିର୍ଣ୍ଣାୟକ ପଦକ୍ଷେପ ବୋଲି କହିଥିଲା। ଇରାନ ଦ୍ୱାରା କ୍ଷେପଣାସ୍ତ୍ର ଏବଂ ଡ୍ରୋନ ଚଳାଇବାକୁ ନେଇ ପାକିସ୍ତାନ କ୍ରୋଧ ପ୍ରକାଶ କରିଥିଲା। ପାକିସ୍ତାନ ଗୁରୁବାର ଏହାର ପ୍ରତିଶୋଧ ନେଇଛି। ପାକିସ୍ତାନୀ ବାୟୁସେନା ଇରାନ ସୀମାରେ ପ୍ରବେଶ କରି ଆତଙ୍କବାଦୀ ଲୁଚି ରହିଥିବା ସ୍ଥାନ ଉପରେ ଏୟାରଷ୍ଟାଇକ କରିଛି। ଏହି ଆକ୍ରମଣ ପରେ ପାକିସ୍ତାନ ବର୍ତ୍ତମାନ ଇରାନକୁ ସଂଯମତା ରକ୍ଷା ପାଇଁ ନିବେଦନ କରିଛି। ପାକିସ୍ତାନ ଅପିଲ କରିଛି ଯେ ଇରାନ ଏପରି ପଦକ୍ଷେପ ଗ୍ରହଣ କରିବା ଉଚିତ୍ ନୁହେଁ, ଯେଉଁଥିରେ ମାହୋଲ ଆହୁରି ଖରାପ ହେବ।
ଇରାନର ସରକାରୀ ମିଡିଆ ଅନୁଯାୟୀ, ଇରାନର ଦକ୍ଷିଣପୂର୍ବ ସୀମା କ୍ଷେତ୍ର ଉପରେ ଗୁରୁବାର ପାକିସ୍ତାନର ମିଶାଇଲ ଆକ୍ରମଣରେ ପ୍ରାୟ ୩ ମହିଳା ଏବଂ ୪ ଜଣ ପିଲାଙ୍କ ମୃତ୍ୟୁ ହୋଇଛି।