![](https://www.dharitri.com/wp-content/uploads/2024/05/fg-14.jpg)
ଡବଲିନ୍,୧୫।୫: ଆୟର୍ଲାଣ୍ଡ ବିପକ୍ଷରେ ଖେଳାଯାଇଥିବା ତୃତୀୟ ଟି-୨୦ ମ୍ୟାଚ୍ ଜିତି ସିରିଜ କବ୍ଜା କରିଛି ପାକିସ୍ତାନ। ଡବଲିନ୍ରେ ଖେଳାଯାଇଥିବା ମ୍ୟାଚରେ ପାକିସ୍ତାନ ଆୟର୍ଲାଣ୍ଡକୁ ୬ ଉଇକେଟରେ ପରାସ୍ତ କରିଛି। ଏହି ବିଜୟ ସହିତ ପାକିସ୍ତାନ ୨-୧ରେ ସିରିଜ ଜିତିଛି। ତୃତୀୟ ଟି-୨୦ରେ ଟାର୍ଗେଟକୁ ପିଛା କରିବା ବେଳେ ଅଧିନାୟକ ବାବର ଆଜମ ପାକିସ୍ତାନ ପାଇଁ ୪୨ ବଲରେ ୭୫ ରନ୍ର ସବୁଠାରୁ ବଡ଼ ଇନିଂସ ଖେଳିଥିଲେ। ଏଥିରେ ୬ଟି ଚୌକା ଓ ୫ ଛକା ଅନ୍ତର୍ଭୁକ୍ତ ଥିଲା। ବାବର ଏହି ଇନିଂସରେ ବିରାଟ କୋହଲିଙ୍କ ବଡ ରେକର୍ଡ ଭାଙ୍ଗିଛନ୍ତି।
ବାବର ଅନ୍ତର୍ଜାତୀୟ ଟି-୨୦ରେ ସର୍ବାଧିକ ଅର୍ଦ୍ଧଶତକ ହାସଲ କରିଥିବା ଖେଳାଳି ହୋଇପାରିଛନ୍ତି। ଏହାପୂର୍ବରୁ ଏହି ରେକର୍ଡ କିଙ୍ଗ କୋହଲିଙ୍କ ନାମରେ ରେକର୍ଡ ଥିଲା। କୋହଲି ଅନ୍ତର୍ଜାତୀୟ ଟି-୨୦ରେ ୩୮ ଥର ୫୦ ରନ ଅତିକ୍ରମ କରିଛନ୍ତି। କିନ୍ତୁ ବାବର ୩୯ ଥର ୫୦ରୁ ଅଧିକ ରନ ସ୍କୋର କରିଛନ୍ତି।
ଅନ୍ତର୍ଜାତୀୟ ଟି-୨୦ରେ ୫୦+ର ସର୍ବାଧିକ ସ୍କୋର
ବାବର ଆଜାମ- ୩୯
ବିରାଟ କୋହଲି- ୩୮
ରୋହିତ ଶର୍ମା- ୩୪
ମହମ୍ମଦ ରିଜୱାନ- ୨୯
ଡେଭିଡ ୱାର୍ଣ୍ଣର- ୨୭