ମୁସଲମାନ ସମ୍ପ୍ରଦାୟରେ ସ୍ତ୍ରୀ ଥିବା ବେଳେ ଜଣେ ପୁରୁଷ ଦ୍ୱିତୀୟ କିମ୍ବା ତୃତୀୟ ବିବାହ କରୁଥିବା ଆମେ ଦେଖିଛୁ। ଆମର ପଡ଼ୋଶୀ ଦେଶ ପାକିସ୍ତାନରେ ଏପରି ହୋଇଥାଏ। ତେବେ ଏଠାରେ କେବଳ ପୁରୁଷ ନୁହନ୍ତି, ମହିଳାଙ୍କୁ ମଧ୍ୟ ଅନ୍ୟ ପୁରୁଷ ସହ ସମ୍ପର୍କ ସ୍ଥାପନ କରିବାର ଅନୁମତି ମିଳିଛି। ପାକିସ୍ତାନର ଆଫଗାନିସ୍ତାନର ସୀମା ନିକଟରେ ସଟା ନାମକ ଏକ ସ୍ଥାନ ରହିଛି। ଏଠାରେ କଲାସା ସମ୍ପ୍ରଦାୟର ଲୋକେ ବାସ କରନ୍ତି। ଏହି ବର୍ଗର ମହିଳାମାନେ ଯେମିତି ସୁନ୍ଦର ସେମିତି ବିନ୍ଦାସ୍ ମଧ୍ୟ। କିନ୍ତୁ ଏହି ମହିଳାମାନେ ବହୁତ ସ୍ବାଧୀନତା ପାଇଛନ୍ତି। ସେମାନେ ବୁର୍ଖା ବଦଳରେ ରଙ୍ଗିନ୍ ପୋଷାକ ପିନ୍ଧିଥା’ନ୍ତି ଏବଂ ସବୁପ୍ରକାରର ନିଷ୍ପତ୍ତି ନେଇଥାନ୍ତି। ବିବାହ ମଧ୍ୟ ନିଜ ପସନ୍ଦରେ କରିଥାନ୍ତି। ଉକ୍ତ ସମ୍ପ୍ରଦାୟର ଜନସଂଖ୍ୟା ବହୁତ କମ୍। ଏଠାରେ ପ୍ରାୟ ୪ ହଜାର ଲୋକ ବାସ କରନ୍ତି। କିନ୍ତୁ ଭିନ୍ନ ପରମ୍ପରା ପାଇଁ ଏମାନେ ସବୁବେଳେ ଚର୍ଚ୍ଚାରେ ରହିଥା’ନ୍ତି। ନିଜ ପସନ୍ଦର ପୁଅକୁ ବିବାହ କରିବା ପରେ ମଧ୍ୟ ଯଦି ଅନ୍ୟ ପୁରୁଷ ଅଧିକ ପସନ୍ଦକୁ ଆସିଯାଏ, ତେବେ ସେମାନେ ପ୍ରଥମ ସ୍ବାମୀଙ୍କୁ ବଦଳାଇ ସମ୍ପୃକ୍ତ ଯୁବକଙ୍କୁ ବିବାହ କରିଥାନ୍ତି। ଏଠାରେ ମହିଳାଙ୍କୁ ଅନ୍ୟ ପୁରୁଷଙ୍କ ସହ ସମ୍ପର୍କ ରଖିବାକୁ ମଧ୍ୟ ଅନୁମତି ଦିଆଯାଇଛି। ଏଠାରେ କୌଣସି ଉତ୍ସବ ହେଲେ ମହିଳା ଓ ପୁରୁଷ ଏକାଠି ମଦ ପିଇଥାନ୍ତି। ଆଫଗାନିସ୍ତାନ ଏବଂ ପାକିସ୍ତାନ ସୀମାନେ ଉକ୍ତ ସ୍ଥାନ ରହିଥିବାରୁ ଏଠାକାର ଲୋକମାନେ ବନ୍ଧୁକ ଏବଂ ଅସ୍ତ୍ରଶସ୍ତ୍ର ରଖିଥାନ୍ତି। ସମ୍ପୃକ୍ତା ମହିଳାମାନେ ସଜବାଜ ହେବାକୁ ବିଶେଷ ଭଲପାଆନ୍ତି। କଲାସା ସମ୍ପ୍ରଦାର ପରମ୍ପରା ଅନ୍ୟ ଜାତିଠାରୁ ସମ୍ପୂର୍ଣ୍ଣ ଭିନ୍ନ। ଏଠାରେ କାହାର ମୃତ୍ୟୁ ହେଲେ ଦୁଃଖ ନୁହେଁ, ଖୁସି ମନାଯାଇଥାଏ। ସେମାନେ ନାଚ-ଗୀତ କରିଥାନ୍ତି।
