ବଲିଉଡ୍ ଅଭିନେତା ସୋନୁ ସୁଦ ଲକ୍ଡାଉନ୍ ସମୟରେ ଅନେକ ଅସହାୟଙ୍କୁ ସାହାଯ୍ୟ କରିିଛନ୍ତି। ଏବେ ବି ତାଙ୍କର ଏହି କାମ ଜାରି ରହିଛି। ଏହି ପଦକ୍ଷେପ ତାଙ୍କୁ ସାରା ବିଶ୍ୱରେ ପ୍ରସିଦ୍ଧ କରିପାରିଛି। ଏଥିପାଇଁ ସମସ୍ତେ ସୋନୁଙ୍କୁ ମେସେଜ୍ କରି ତାଙ୍କର ପ୍ରଶଂସା କରୁଛନ୍ତି। ଏବେ ପାକିସ୍ତାନରୁ ସୋନୁଙ୍କୁ ପ୍ରଶଂସା ବାର୍ତ୍ତା ଆସିଛି। ଜଣେ କ୍ୟୁଟ୍ ଶିଶୁ ଅହମ୍ମଦ ଶାହ ଏକ ଭିଡିଓ ମାଧ୍ୟମରେ ସୋନୁଙ୍କୁ ପ୍ରଶଂସା କରିଛନ୍ତି। ତାଙ୍କର ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।
ଭିଡିଓରେ ଅହମ୍ମଦ କହିଛନ୍ତି, ହାଲୋ ସୁନୋ ସାର, ଆପଣ କେମିତି ଅଛନ୍ତି। ଭଲ ଅଛନ୍ତି ତ? ମୁଁ ଅହମ୍ମଦ ଶାହ। ମୋଠାରୁ ଆପଣଙ୍କୁ ବହୁତ ଭଲପାଇବା, ଆପଣ ବହୁତ ଭଲ କାମ କରୁଛନ୍ତି। ଆଇ ଲଭ୍ ୟୁ ସାର୍, ଖୁସିରେ ରୁହନ୍ତୁ। ଅହମ୍ମଦଙ୍କ ଏହି ଭିଡିଓ ପାକିସ୍ତାନ ସମେତ ଭାରତରେ ଖୁବ୍ ଭାଇରାଲ ହେବାରେ ଲାଗିଛି।
ଅହମ୍ମଦ ପାକିସ୍ତାନ ସମେତ ଭାରତରେ ଖୁବ୍ ପ୍ରସିଦ୍ଧ। ପୂର୍ବରୁ ତାଙ୍କର ଆଉ ଏକ ଭିଡିଓ ଭାଇରାଲ ହୋଇଥିଲା। ଉକ୍ତ ଭିଡଓରେ, ଏକ ସ୍କୁଲରେ ବଦ୍ମାସ କରୁଥିବା ପିଲାମାନଙ୍କଠାରୁ ଶିକ୍ଷକ ବାଗ ଛଡାଇ ନେଇଯାଉଥିଲେ। ସେହି ସମୟରେ ଅହମ୍ମଦ ଜଣେ ଶିକ୍ଷକଙ୍କୁ ଧମକ ଦେଉଥିବାର ଭିଡିଓ ଦେଖିବାକୁ ମିଳିଥିଲା।
https://www.instagram.com/p/CFjMqikhVZi/?utm_source=ig_embed
