ଇସଲାମାବାଦ୍,୨୪।୪: ଦେଶରେ କରୋନା ମହାମାରୀ ସଂକ୍ରମଣ ଯୋଗୁ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି। ସ୍ଥିତି ଅସମ୍ଭାଳ ହେବାରେ ଲାଗିଛି। ଏପରିସ୍ଥଳେ ପାକିସ୍ତାନର ଇଧି ଓ୍ବେଲଫେୟାର ଟ୍ରଷ୍ଟ୍ ଭାରତକୁ ସହାୟତାର ହାତ ବଢ଼ାଇଛି। ଭାରତରେ ମହାମାରୀର ମୁକାବିଲା ପାଇଁ ପାକିସ୍ତାନର ଇଧି ଓ୍ବେଲଫେୟାର ଟ୍ରଷ୍ଟ୍ ଦ୍ୱାରା ପରି ଚାଳିତ ହେଉଥିବା ଇଧି ଫାଉଣ୍ଡେଶନ ପକ୍ଷରୁ ୫୦ ଆମ୍ବୁଲାନ୍ସ୍ ପଠାଇବା ଲାଗି କୁହାଯାଇଛି। ଇଧି ଫାଉଣ୍ଡେଶନର ମୁଖ୍ୟ ଫୈସଲ ଇଧି ଏନେଇ ସୂଚନା ଦେଇଛନ୍ତି। ତେବେ ସେ ଭାରତ ସରକାରଙ୍କ ଅନୁମତି ଲୋଡିଛନ୍ତି। ଭାରତ ସରକାରଙ୍କ ଅନୁମତି ମିଳିଲେ ଆମ୍ବୁଲାନ୍ସ୍ ଏବଂ ସହାୟତା କର୍ମୀ କରୋନା ଲଢ଼େଇର ମୁକାବିଲା ଲାଗି ପ୍ରସ୍ତୁତ ବୋଲି ସେ କହିଛନ୍ତି।
