ଲଣ୍ଡନ,୧୪।୭: ଭାରତୀୟ ଦଳରୁ ବାଦ୍ ପଡିଥିବା ଦୀନେଶ କାର୍ତ୍ତିକ ଆଜିକାଲି ଇଂଲଣ୍ଡରେ କମେଣ୍ଟ୍ରି କରୁଛନ୍ତି। ବିଶ୍ୱ ଟେଷ୍ଟ ସିରିଜର ଫାଇନାଲରେ କମେଣ୍ଟ୍ରି ପାଇଁ ଦୀନେଶ କାର୍ତ୍ତିକ ଇଂଲଣ୍ଡ ଯାଇଥିଲେ, କିନ୍ତୁ ଏହା ପରେ ସେ ଇଂଲଣ୍ଡ-ଶ୍ରୀଲଙ୍କା ଏବଂ ଏବେ ଇଂଲଣ୍ଡ-ପାକିସ୍ଥାନ (ଇଂଲଣ୍ଡ ବନାମ ପାକିସ୍ଥାନ, ତୃତୀୟ ଦିନିକିଆ) ସିରିଜରେ ମଧ୍ୟ କମେଣ୍ଟ୍ରି ଦେଇଥିବାର ନଜର ଆସିଥିଲେ। ପାକିସ୍ତାନ-ଇଂଲଣ୍ଡ ମଧ୍ୟରେ ଚାଲିଥିବା ତୃତୀୟ ଦିନିକିଆରେ ଦୀନେଶ କାର୍ତ୍ତିକ ଏମିତି କଥା କହିଛନ୍ତି ଫଳରେ ପାକିସ୍ତାନୀ ପ୍ରଶଂସକମାନେ ତାଙ୍କୁ ଅଭିବାଦନ ଜଣାଇଛନ୍ତି। ଦୀନେଶ କାର୍ତ୍ତିକ ପାକିସ୍ତାନୀ ଅଧିନାୟକ ବାବର ଆଜାମଙ୍କୁ ପ୍ରଶଂସା କରିବା ସହ ସେ କାହିଁକି ୧ ନମ୍ବର ବ୍ୟାଟ୍ସମ୍ୟାନ ବୋଲି କହିଥିଲେ। ବାବର ଆଜାମ ଇଂଲଣ୍ଡ ବିପକ୍ଷ ତୃତୀୟ ଦିନିକିଆରେ ୧୫୮ ରନର ଇନିଂସ ଖେଳିଥିଲେ।
ବାବର ଆଜାମଙ୍କ ଶତକ ପରେ ଦୀନେଶ କାର୍ତ୍ତିକ କହିଛନ୍ତି, ବିଶ୍ୱ ସ୍ତରୀୟ ବ୍ୟାଟ୍ସମ୍ୟାନ ବେଶୀ ଦିନ ପର୍ଯ୍ୟନ୍ତ ବିନା ଫର୍ମରେ ରହିପାରନ୍ତି ନାହିଁ। ସେଥିପାଇଁ ବାବର ଆଜାମ ହେଉଛନ୍ତି ବିଶ୍ୱର ନମ୍ବର-୧ ନମ୍ବର ବ୍ୟାଟ୍ସମ୍ୟାନ। ଦୀନେଶ କାର୍ତ୍ତିକଙ୍କ ଏହି କଥାବାର୍ତ୍ତା ପାକିସ୍ତାନୀ ପ୍ରଶଂସକଙ୍କ ହୃଦୟ ଜିତିଥିଲା ଏବଂ କାର୍ତ୍ତିକଙ୍କ ମନ୍ତବ୍ୟ ଟୁଇଟରରେ ପ୍ରଶଂସା ହେବାରେ ଲାଗିଲା।
