ପାଲେକେଲ,୨।୯: ଏସିଆ କପ୍ ୨୦୨୩ରେ ଭାରତ ଏବଂ ପାକିସ୍ତାନ ମଧ୍ୟରେ ମୁକାବିଲାକୁ କ୍ରିକେଟ ପ୍ରଶଂସକ ଅପେକ୍ଷା କରି ରହିଥିଲେ। ହେଲେ ଏହି ମ୍ୟାଚ୍ ବର୍ଷା ଯୋଗୁ ବିନା ଫଳାଫଳରେ ଶେଷ ହୋଇଛି। ଫଳରେ ଉଭୟ ଦଳ ପଏଣ୍ଟ ବାଣ୍ଟିବାକୁ ବାଧ୍ୟ ହୋଇଥିଲେ। ଏହାର ଫାଇଦା ପାକିସ୍ତାନ ଟିମ୍କୁ ମିଳିଛି। ଦଳ ଏବେ ସୁପର-୪ ମୁକାବିଲାରେ ପ୍ରବେଶ କରିଥିବା ପ୍ରଥମ ଟିମ୍ ପାଲଟିଛି।
କହିରଖୁଛୁ, ଭାରତ ଏବଂ ପାକିସ୍ତାନ ଉଭୟ ଏସିଆ କପ୍ର ଗ୍ରୁପ ଏରେ ଅଛନ୍ତି। ଏଥିସହ ତୃତୀୟ ଟିମ୍ ନେପାଳ ଅଛି। ଗ୍ରୁପ୍ର ପ୍ରଥମ ମୁକାବିଲାରେ ପାକିସ୍ତାନ ନେପାଳକୁ ହରାଇଥିଲା। ଏହାପରେ ଭାରତ ସହ ମୁକାବିଲାରେ ୧-୧ରେ ପଏଣ୍ଟ ବଣ୍ଟାଯାଇଥିଲା। ଏହିଭଳି ପାକିସ୍ତାନ ୩ ପଏଣ୍ଟ ସହ ସୁପର-୪ରେ ପ୍ରବେଶ କରିଛି।