ଢାକା,୨୩।୧୧: ତୃତୀୟ ତଥା ଅନ୍ତିମ ଟି -୨୦ରେ ଏକ ରୋମାଞ୍ଚକର ମ୍ୟାଚରେ ପାକିସ୍ତାନ ବାଂଲାଦେଶକୁ ୫ ଉଇକେଟରେ ପରାସ୍ତ କରିଛି। ଶେଷ ବଲରେ ମହମ୍ମଦ ନୱାଜ ଗୋଟିଏ ଚୌକା ସହ ଦଳକୁ ବିଜୟ ପ୍ରଦାନ କରିଥିଲେ। ଏହି ଓଭରରେ ମୋଟ ୩ ଉଇକେଟର ପତ୍ତନ ଘଟିଥିଲା। କିନ୍ତୁ ବିଜୟ ପରେ ବାବର ଆଜମଙ୍କ ଦଳ ଉପରେ ପ୍ରଶ୍ନ ଉଠିଛି। ଶେଷ ଓଭର ବୋଲିଂ କରିଥିବା ବାଂଲାଦେଶ ଅଧିନାୟକ ମହମୁଦୁଲ୍ଲା ମଧ୍ୟ ଏହା ବିଷୟରେ ଏକ ବଡ଼ କଥା କହିଛନ୍ତି। ପାକିସ୍ତାନ ଟି-୨୦ ସିରିଜକୁ ୩-୦ରେ ପରାସ୍ତ କରିଛି।
ଶେଷ ଓଭରରେ ପାକିସ୍ତାନକୁ ୮ ରନ ସ୍କୋର କରିବାକୁ ଥିଲା। ମାତ୍ର ପ୍ରଥମ ୫ ବଲରେ ମାତ୍ର ୬ ରନ ସ୍କୋର କରି ପାକିସ୍ତାନ ମଧ୍ୟ ୩ ଉଇକେଟ ହରାଇଥିଲା। ଏବେ ଜିତିବା ପାଇଁ ତାଙ୍କୁ ଶେଷ ବଲରେ ୨ ରନ ସ୍କୋର କରିବାକୁ ଥିଲା। ମହମୁଦୁଲ୍ଲା ଷଷ୍ଠ ବଲ ବୋଲିଂ କରିଥିଲେ, କିନ୍ତୁ ମହମ୍ମଦ ନୱାଜ ନ ଖେଳି ଛାଡିଦେଇଥିଲେ ଫଳରେ ବଲ ଉଇକେଟରେ ବାଜିଥିଲା। ବାଂଲାଦେଶ ଖେଳାଳି ଏହା ଉପରେ ଆଉଟ୍ ଆବେଦନ କରିଥିଲେ। କିନ୍ତୁ ଅମ୍ପାୟାର ଏହାକୁ ଡେଡ୍ ବଲ୍ ଘୋଷଣା କରିଥିଲେ। ଏହାପରେ ଆଉ ଏକ ବଲ୍ ମଧ୍ୟ ଡେଡ୍ ଘୋଷଣା କରିଥିଲେ। ନୱାଜ ପୁଣି ଥରେ ବଲରେ ଚୌକା ମାରି ପାକିସ୍ତାନକୁ ବିଜୟ ଦେଇଥିଲେ। ସୋସିଆଲ ମିଡିଆରେ ଶେଷ ଓଭରର ଭିଡିଓ ଭାଇରାଲ ହେବାରେ ଲାଗିଛି। ପାକିସ୍ତାନ ଅସାଧୁ ଉପାୟରେ ମ୍ୟାଚ୍ ଜିତିଥିବା ୟୁଜର୍ସ କହିଛନ୍ତି।
The last ball drama!!
Congratulations #Pakistan for the #PakWash and best wishes for #Bangladesh. Although Mahmudullah performed well, BCB has a lot to do for real progress.#BANvPAK #PAKvBAN #BrotherhoodWon pic.twitter.com/kWGEeSjW3W— Nznn Ahmed (@na_nznn) November 22, 2021
