କରାଚି,୧୪।୧୨: ପାକିସ୍ତାନ କ୍ରିକେଟ ଦଳ ଟି-୨୦ ଅନ୍ତର୍ଜାତୀୟ କ୍ରିକେଟରେ ଏକ ନୂତନ ବିଶ୍ୱ ରେକର୍ଡ ସୃଷ୍ଟି କରିଛି। ୱେଷ୍ଟଇଣ୍ଡିଜ ବିପକ୍ଷରେ ପ୍ରଥମ ଟି -୨୦ ମ୍ୟାଚ ଜିତିବା ପରେ ପାକିସ୍ତାନ ଗୋଟିଏ ବର୍ଷରେ ସର୍ବାଧିକ ଟି-୨୦ ଅନ୍ତର୍ଜାତୀୟ ମ୍ୟାଚ ବିଜୟ ସହ ବିଶ୍ୱ ରେକର୍ଡ ସୃଷ୍ଟି କରିଛି। ଚଳିତ ବର୍ଷ ୨୦୨୧ରେ ଏହା ହେଉଛି ପାକିସ୍ତାନର ୧୮ ତମ ଟି -୨୦ ବିଜୟ।
ଚଳିତ ବର୍ଷ ଟି -୨୦ କ୍ରିକେଟରେ କୌଣସି ଦଳର ଏହା ହେଉଛି ସର୍ବାଧିକ ବିଜୟ। ଏହି ସମୟ ମଧ୍ୟରେ ପାକିସ୍ତାନ ନିଜର ରେକର୍ଡ ଭାଙ୍ଗିଛି। ଏକ କ୍ୟାଲେଣ୍ଡର ବର୍ଷରେ ୧୮ ଟି ୨୦ ମ୍ୟାଚ ଜିତିବାରେ ପାକିସ୍ତାନ ପ୍ରଥମ ଦଳ ହୋଇପାରିଛି। ଏହାପୂର୍ବରୁ, ପାକିସ୍ତାନ ୨୦୧୮ ରେ ମୋଟ ୧୭ ଟି -୨୦ ମ୍ୟାଚ ଜିତିଥିଲା।