ଇସଲାମାବାଦ,୧୧।୭: ପ୍ରବଳ ବର୍ଷା ପୁଣି ଥରେ ପାକିସ୍ତାନରେ ବିପଦ ସୃଷ୍ଟି କରୁଛି। ବନ୍ୟା ପରି ପରିସ୍ଥିତି ଉପୁଜିଛି। ଏଭଳି ପରିସ୍ଥିତିରେ ପଡୋଶୀ ଦେଶ ବହୁ ପରିମାଣରେ କ୍ଷତିଗ୍ରସ୍ତ ହେଇଛି। ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (ଏନ୍ଡିଏମ୍ଏ)ର ଏକ ରିପୋର୍ଟ ଅନୁଯାୟୀ, ଜୁନ ୨୫ତାରିଖରୁ ମୌସୁମୀ ବର୍ଷା ଯୋଗୁ ୮୬ ଜଣଙ୍କର ମୃତ୍ୟୁ ହୋଇଛି। ଏହା ସହିତ ଅନ୍ୟ ୧୫୧ ଜଣ ଆହତ ହୋଇଛନ୍ତି।
ପାକିସ୍ତାନସ୍ଥିତ ଆର୍ଏ ନ୍ୟୁଜ ଅନୁଯାୟୀ, ଏନ୍ଡିଏମ୍ଏ ରିପୋର୍ଟରେ କହିଛି ଯେ ଗତ ୨୪ ଘଣ୍ଟା ମଧ୍ୟରେ ପାକିସ୍ତାନରେ ପ୍ରବଳ ବର୍ଷା ହେତୁ ୬ ଜଣଙ୍କର ମୃତ୍ୟୁ ହୋଇଥିବାବେଳେ ୯ ଜଣ ଆହତ ହୋଇଛନ୍ତି। ଏହା ସହିତ ପ୍ରବଳ ବର୍ଷା ଯୋଗୁ ୯୭ ଘର ମଧ୍ୟ କ୍ଷତିଗ୍ରସ୍ତ ହୋଇଛି। ରିପୋର୍ଟ ଅନୁଯାୟୀ, ସର୍ବାଧିକ ସଂଖ୍ୟକ ଲୋକ ପଞ୍ଜାବର, ଯେଉଁଠାରେ ପ୍ରବଳ ବର୍ଷା ହେତୁ ୫୨ ଜଣଙ୍କର ମୃତ୍ୟୁ ଘଟିଛି।
