ଇସଲାମାବାଦ,୧୬ା୩: ପାକିସ୍ତାନ ଗୁପ୍ତଚର ଏଜେନ୍ସି ଆଇଏସ୍ଆଇ ଭାରତରେ ହଇଚଇ ସୃଷ୍ଟି କରିବା ପାଇଁ ଯୋଜନା ପ୍ରସ୍ତୁତ କରୁଥିଲା କିନ୍ତୁ ବର୍ତ୍ତମାନ ଆତଙ୍କବାଦୀମାନେ ପାକିସ୍ତାନରେ ହଇଚଇ ସୃଷ୍ଟି କରିବାକୁ ଯୋଜନା ପ୍ରସ୍ତୁତ କରିଛନ୍ତି। ରିପୋର୍ଟରୁ ଜଣାପଡ଼ିଛି ଯେ, ଆତଙ୍କବାଦୀମାନେ ପାକିସ୍ତାନରେ ଆକ୍ରମଣ କରିବା ପାଇଁ ପୋଲିସ ୟୁନିଫର୍ମରେ ଆସିପାରିବେ। ଯାହାକୁ ନେଇ ଆତଙ୍କବାଦୀ ସଂଗଠନ ତେହେରିକ-ଇ-ତାଲିବାନ ପାକିସ୍ତାନ ଭୟଭୀତ ହୋଇପଡ଼ିଛି। ପାକିସ୍ତାନର କାଉଣ୍ଟର ଆତଙ୍କବାଦ ବିଭାଗ ଟିଟିପି ଆକ୍ରମଣ ସମ୍ପର୍କରେ ସତର୍କ ସୂଚନା ଜାରି କରିଛି।
ପାକିସ୍ତାନ କାଉଣ୍ଟର ଆତଙ୍କବାଦୀ ବିଭାଗ ଦ୍ୱାରା ଜାରି କରାଯାଇଥିବା ଏହି ଆଲର୍ଟରେ କୁହାଯାଇଛି, ତେହେରିକ-ଇ-ତାଲିବାନ ପାକିସ୍ତାନ ପେଶାଓ୍ବାର ପୋଲିସ ଲାଇନ ଆକ୍ରମଣ ପରି ଆକ୍ରମଣ କରିପାରିବ। ଏହାସହ ସତର୍କ ସୂଚନାରେ କୁହାଯାଇଛି, ଟିଟିପି ପୋଲିସ ଷ୍ଟେଶନ ଏବଂ ଯେଉଁଠାରେ ସୁରକ୍ଷା ବାହିନୀର ବହୁ ଉପସ୍ଥିତି ଅଛି, ଆତଙ୍କବାଦୀମାନେ ପୋଲିସ ଲାଇନ ଏବଂ ଟ୍ରାଫିକ ହେଡ କ୍ୱାର୍ଟର ଉପରେ ମଧ୍ୟ ଆକ୍ରମଣ କରିପାରିବେ।
