ସାଧାରଣତଃ ଟେଲିଭିଜନ୍ରେ କୌଣସି ଡିବେଟ୍ ବେଳେ ଆମେ ଆଙ୍କର(ଉଦ୍ଘୋଷକ) ଏବଂ ଅତିଥିମାନଙ୍କ ମଧ୍ୟରେ କଥା କଟାକଟି ଦେଖିଥାଉ। ହେଲେ କାର୍ଯ୍ୟକ୍ରମ ଚାଲୁଥିବା ବେଳେ ଦୁଇଜଣ ଆଙ୍କର ପରସ୍ପର ପ୍ରତି କଟୁ ମନ୍ତବ୍ୟ ଦେବା ସହ ଝଗଡ଼ା କରିବା ଭଳି ଏକ ଘଟଣା ପାକିସ୍ତାନରୁ ଆସିଛି। ଏହାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ଦେଶର ନ୍ୟୁଜ୍ ଚ୍ୟାନେଲ୍ ‘ସିଟି ୨୪’ରେ ଏକ ବୁଲେଟିନ୍ ଚାଲୁଥିଲା। ଏହି ସମୟରେ ୩୦ ସେକେଣ୍ଡ ଧରି ଦୁଇଜଣ ଆଙ୍କର(ଜଣେ ମହିଳା, ଜଣେ ପୁରୁଷ) ନିଜ ନିଜ ମଧ୍ୟରେ ଝଗଡ଼ା କରିବାକୁ ଲାଗିଥିଲେ।
ପୁରୁଷ ଉଦ୍ଘୋଷକଜଣଙ୍କ ସେଠାରେ ଉପସ୍ଥିତ କର୍ମଚାରୀଙ୍କୁ ଚିତ୍କାର କରି ‘ ମୁଁ କେମିତି ତାଙ୍କ ସହ ନ୍ୟୁଜ୍ ବୁଲେଟିନ୍ କରିବି। ସେ(ଯୁବତୀ) କହୁଛନ୍ତି, ମୋ ସହ କଥା ହୁଅନାହିଁ। ଯଦି ତୁମର ବ୍ୟକ୍ତିଗତ କାରଣ ରହିଛି ତେବେ ସେଗୁଡ଼ିକୁ ମୋ ସହ ବାଣ୍ଟ ନାହିଁ ବୋଲି ପୁରୁଷ ଉଦ୍ଘୋଷକ କହୁଛନ୍ତି।
ଏହାର ଜବାବରେ ମୁଁ ତୁମ କଣ୍ଠସ୍ବର ବିଷୟରେ କହୁଛି। ମୋ ସହ ସମ୍ମାନର ସହ କଥା ହୁଅ ବୋଲି ମହିଳା ଉଦ୍ଘୋଷକ କହୁଛନ୍ତି। ପୁନର୍ବାର ଏହାର ଜବାବ ଦେବାକୁ ଯାଇ ପୁରୁଷ ଉଦ୍ଘୋଷକ ପ୍ରଶ୍ନ କରିଛନ୍ତି, ମୁଁ ତୁମକୁ ଅସମ୍ମାନ କରିଛି? ଏହାର ଜବାବରେ ଜାହିଲ୍ ବୋଲି ମହିଳା ଉଦ୍ଘୋଷକ କହିଛନ୍ତି। ପରେ କଥା ଏତେ ବଢ଼ିଯାଉଛି ଯେ ପୁରୁଷ ଉଦଘୋଷକ ରାଗି ଯାଉଛନ୍ତି। ତେବେ ମଜା କଥା ହେଲା ଏଗୁଡ଼ିକ ରେକର୍ଡ ହୋଇ ଅନ୍ ଏୟାର ହୋଇଛି। ଲଢ଼େଇ ଦେଖି ଅନେକ ହସି ହସି ଗଡ଼ୁଛନ୍ତି। କେହି କେହି ଏଭଳି କରିବା ଉଚିତ ନୁହେଁ ବୋଲି କହୁଛନ୍ତି।
While Indian TV channels have fights between panelists our neighbours have reached the next level. pic.twitter.com/AwyxcBnoOh
— Arun Bothra (@arunbothra) August 11, 2020
