ଇସଲାମାବାଦ,୩୦ ।୩: ପାକିସ୍ତାନରୁ ସକାଳୁ ସକାଳୁ ଏକ ଲହୁ ଲୁହାଣର ଖବର ସାମ୍ନାକୁ ଆସିଛି । ସେଠାରେ ଥିବା ଲକି ମାରୱାତରେ ଥିବା ପୋଲିସ ପୋଷ୍ଟ ଉପରେ ଏକ ବଡ ଆକ୍ରମଣ ହୋଇଛି । ଏହି ଆକ୍ରମଣରେ ପୋଲିସ ଫୋର୍ସକୁ ସାହାଯ୍ୟ କରିବାକୁ ଥିବା ଏକ ସଶସ୍ତ୍ର ଗାଡି(ଏପିସି)କୁ ଉଡାଇ ଦିଆଯାଇଛି, ଯେଉଁଥିରେ ଡିଏସପି ସମେତ କେତେଜଣ ପୋଲିସଙ୍କ ମୃତ୍ୟୁ ହୋଇଛି ।
ପୋଲିସ ପକ୍ଷରୁ ସୂଚନା ଦିଆଯାଇଛି କି ଚରମପନ୍ଥିଙ୍କ ଆକ୍ରମଣରେ ପୋଲିସ ଅଧିକାରୀଙ୍କ ସମେତ ୩ ପୋଲିସକର୍ମୀ ଶହୀଦ ହୋଇଛନ୍ତି । ଏହାସହ ଅନ୍ୟ କେତେଜଣ ଆହତ ବି ହୋଇଛନ୍ତି । ପୋଲିସ ଯବାନ ଆକ୍ରମଣକାରୀଙ୍କୁ କଡା ଜବାବ ଦେଉଛନ୍ତି । ଏବେବି ସେଠାରେ ଗୁଳିକାଣ୍ଡ ଜାରି ରହିଛି ।
ସୂଚନାଯୋଗ୍ୟ, ଲକି ମାରୱାତ ପାକିସ୍ତାନର ଖେବର ପଖତୁନଖ୍ୱା ଅଞ୍ଚଳର ଜିଲା ମୁଖ୍ୟାଳୟ । ଏଠାରେ ସବୁବେଳେ ଏମିତି ଧରଣର ଆକ୍ରମଣ ହୋଇ ଆସୁଛି । ଗୁରୁବାର ହୋଇଥିବା ଘଟଣାରେ ପୋଲିସ ପ୍ରବକ୍ତା କହିଛନ୍ତି, ଏଠାରେ ପୋଲିସ ଭ୍ୟାନ ଉପରେ ଆଇଇଡିରେ ଆକ୍ରମଣ କରାଯାଇଛି । ଏହି ବିସ୍ଫୋରଣରେ ଡିଏସପି ଇକବାଲ ମୋହମଦ ଓ ୩ ପୋଲିସ କନଷ୍ଟେବଳ ଶହିଦ ହୋଇଛନ୍ତି ।