ଇସଲାମାବାଦ,୨୨।୮: ରାଜକୈତିକ ଅସ୍ଥିରତା ଏବଂ ଅର୍ଥନୈତିକ ସଙ୍କଟ ମଧ୍ୟରେ ବର୍ତ୍ତମାନ ପାକିସ୍ତାନରେ କାର୍ଯ୍ୟନିର୍ବାହୀ ସରକାର ଚାଲିଛି। ଅନୱର-ଉଲ-ହକ କକରଙ୍କୁ ପାକିସ୍ତାନର କାର୍ଯ୍ୟନିର୍ବାହୀ ପ୍ରଧାନମନ୍ତ୍ରୀ କରାଯାଇଛି। ଇତି ମଧ୍ୟରେ ମଙ୍ଗଳବାର ପାକିସ୍ତାନର ରାଷ୍ଟ୍ରପତି ଆରିଫ ଅଲଭି ଚର୍ଚ୍ଚାରେ ଆସିଛନ୍ତି। ପାକିସ୍ତାନର ରାଷ୍ଟ୍ରପତି ତାଙ୍କ ସଚିବ ୱକାର ଅହମ୍ମଦଙ୍କୁ ବରଖାସ୍ତ କରିଛନ୍ତି।
ନିକଟରେ ପାକିସ୍ତାନରେ ଆଲୋଚନା ହୋଇଥିଲା ଯେ, ରାଷ୍ଟ୍ରପତି ଆରିଫ ଅଲଭି ଦୁଇଟି ବିଧେୟକ, ଅଧିକାରୀ ଗୋପନୀୟତା (ସଂଶୋଧନ)ବିଧେୟକ, ୨୦୨୩ ଏବଂ ପାକିସ୍ତାନୀ ସେନା (ସଂଶୋଧନ) ବିଧେୟକ ୨୦୨୩ ଉପରେ ଦସ୍ତଖତ କରିଛନ୍ତି। ଏଥି ସହିତ ରାଷ୍ଟ୍ରପତି ଏହାକୁ ସମ୍ପୂର୍ଣ୍ଣ ଭାବେ ଅସ୍ବୀକାର କରିଛନ୍ତି। ସେ କହିଛନ୍ତି ମୁଁ ଉଭୟ ବିଧେୟକ ସହିତ ସହମତ ନୁହେଁ। ସୂଚନାନୁସାରେ, ପାକିସ୍ତାନ ପ୍ରଶାସନିକ ସେବାର ବିପିଏସ -୨୨ ଅଧିକାରୀ ହୁମେରା ଅହମ ରାଷ୍ଟ୍ରପତିଙ୍କ ସଚିବ ଭାବରେ ନିଯୁକ୍ତ ହୋଇପାରନ୍ତି।