ଇସଲାମାବାଦ,୧୪।୧୦ : ସିପିଇସି ଅନ୍ତର୍ଗତ ପାକିସ୍ତାନର ପ୍ରମୁଖ ରେଲଓ୍ବେ ଆଧୁନିକୀକରଣ ପରିଯୋଜନାରେ ସଙ୍କଟ ଉପୁଜିଛି। ସ୍ଥାନୀୟ ମେଡିଆ ରିପୋର୍ଟ ପକ୍ଷରୁ ଏନେଇ ସୂଚନା ପ୍ରଦାନ କରାଯାଇଛି।
ଦେଶର ପ୍ରମୁଖ ଖବରକାଗଜ ଅନୁସାରେ ମେନ ଲାଇନ-୧ ର ମରାମତି କରାଯିବ। ଏହି ରେଲଓ୍ବେ ପରିଯୋଜନାର ଆଧୁନିକିକରଣ ପାଇଁ ୧,୭୨୬ କିଲୋମିଟର ରେଲ ଲାଇନର ଆଧୁନିକିକରଣ କରାଯିବ। ଆଇଏମଏଫର ଅନୁମୋଦନ ଏବଂ ୬.୬୭ ବିଲିୟନ ଡଲାରର ଗ୍ବାରେଣ୍ଟି ଅର୍ଥମନ୍ତ୍ରଣାଳୟ କ୍ଷମତା ଉପରେ ନିର୍ଭରଶୀଳ।
ପରିଯୋଜନାର ୩୨ ପ୍ରତିଶତ ବଜେଟ କାଟ କରାଯାଇଛି। ଚାଇନା – ପାକିସ୍ତାନ ଅର୍ଥନୈତିକ କରିଡର (ସିପିଇସି) ହେଉଛି ୨୦୧୩ଠାରୁ ପାକିସ୍ତାନରେ ନିର୍ମାଣାଧୀନ ଭିତ୍ତିଭୂମି ଏବଂ ଅନ୍ୟାନ୍ୟ ପ୍ରକଳ୍ପର ସଂଗ୍ରହ ।
ଜୁନ ୩୦ ରେ ପାକିସ୍ତାନ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ରୁ ୩ ବିଲିୟନ ଡଲାରର ବେଲ ଆଉଟ ପ୍ୟାକେଜ ପାଇଥିଲା, ଯାହା ପରେ ପ୍ରାୟ ୧.୨ ବିଲିୟନ ଡଲାରର ପ୍ରାରମ୍ଭିକ ଅଗ୍ରୀମ କିସ୍ତି ପ୍ରଦାନ କରିଥିଲା। ଋଣ ଭାରରେ ଥିବା ଦେଶ ବାହ୍ୟ ଦେୟ ପାଇଁ ଆଇଏମଏଫକୁ ଆଠ ବିଲିୟନ ଡଲାର ନିଶ୍ଚିତ କରିଛି।
ଜଣେ ବରିଷ୍ଠ ଅଧିକାରୀ ଗଣମାଧ୍ୟମାର ବୈବଟକ ଠକରେ କହିଛନ୍ତି ଆନୁମାନିକ ମୂଲ୍ୟ ୯.୮ ବିଲିୟନ ଡଲାରରେ ଏମଏଲ-୧ ପାଇଁ ଫ୍ରେମଓ୍ବାର୍କ ଚୁକ୍ତିନାମା ସ୍ବାକ୍ଷରିତ ହୋଇଛି, ଯାହା ପାଇଁ ଜାତୀୟ ଅର୍ଥନୈତିକ ପରିଷଦର କାର୍ଯ୍ୟନିର୍ବାହୀ କମିଟି ଦ୍ୱାରା ପିସି-୧ (ଯୋଜନା ଆୟୋଗର ଅନୁମୋଦନ) ଅନୁମୋଦନ ହୋଇଛି। ଅଗଷ୍ଟ ୨୦୨୦ରେ ଏହା ଅନୁମୋଦିତ ହୋଇଥିଲା।
ତେବେ ଇସଲାମାବାଦରେ ପ୍ରାଥମିକତା ଏବଂ ସରକା ର ବଦଳୁଥିବା ବେଳେ ଏହି ପ୍ରକଳ୍ପ ଉତଥାନ-ପତନ ଦେଇ ଗତି କରିଛି। ଏହି ପ୍ରକଳ୍ପର ମୂଲ୍ୟ ବର୍ତ୍ତମାନ ଉଭୟ ପକ୍ଷ ୬.୬୭ ବିଲିୟନ ଡ଼ଲାରରେ ସଂଶୋଧିତ ହୋଇଛି।
ବେଲ୍ଟ ଆଣ୍ଡ ରୋଡ ଇନିସିଏଟିଭ (ବିଆରଆଇ) ସମ୍ମିଳନୀରେ ପାକିସ୍ତାନକୁ ପ୍ରତିନିଧିତ୍ୱ କରିବା ପାଇଁ କାର୍ଯ୍ୟନିର୍ବାହୀ ପ୍ରଧାନମନ୍ତ୍ରୀ ଅନୱାର୍ ଉଲ ହକ କକ୍କର ବେଜିଂ ଗସ୍ତରେ ଯିବାର ସମ୍ଭାବନା ରହିଛି। ଏହି ସମୟ ମଧ୍ୟରେ ଉଭୟ ଦେଶ ଏକ ଆନୁଷ୍ଠାନିକ ଘୋଷଣା କରିବେ ଏବଂ ଫ୍ରେମୱାର୍କ ଚୁକ୍ତିରେ ସ୍ବାକ୍ଷର କରିବେ ବୋଲି ଆଶା କରାଯାଉଛି।