ମାଞ୍ଚେଷ୍ଟର, ୮।୮- ମାଞ୍ଚେଷ୍ଟରର ଓଲ୍ଡ ଟ୍ରାଫୋର୍ଡ ଷ୍ଟାଡିୟମରେ ପାକିସ୍ତାନ ଓ ଘରୋଇ ଇଂଲଣ୍ଡ ମଧ୍ୟରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚ୍ ରୋମାଞ୍ଚକ ସ୍ଥିତିରେ ପହଞ୍ଚତ୍ଛି। ଭ୍ରମଣକାରୀ ପାକିସ୍ତାନ ଶନିବାର ୪ର୍ଥ ଦିବସରେ ୨ୟ ଇନିଂସରେ ୧୬୯ ରନରେ ଅଲ୍ଆଉଟ୍ ହୋଇଯାଇଛି। ଫଳରେ ଇଂଲଣ୍ଡ ସାମ୍ନାରେ ୨୭୭ ରନର ଲକ୍ଷ୍ୟ ଧାର୍ଯ୍ୟ ହୋଇଛି। ଜବାବରେ ଇଂଲଣ୍ଡ ୨ୟ ଇନିଂସ ଆରମ୍ଭ କରି ଶେଷ ଖବର ସୁଦ୍ଧା ୧୩ ଓଭରରେ ଗୋଟିଏ ଉଇକେଟ୍ ହରାଇ ୩୧ ରନ୍ ସଂଗ୍ରହ କରିଛି। ଇଂଲଣ୍ଡକୁ ବିଜୟ ଲାଗି ଆହୁରି ୨୪୬ ରନ ଆବଶ୍ୟକ ହେଉଛି।
ଟସ୍ ଜିତି ପାକିସ୍ତାନ ଓପନର୍ ସନ୍ ମାସୁଦ୍ଙ୍କ ୧୫୬ ରନର ଶତକୀୟ ଇନିଂସ ବଳରେ ପ୍ରଥମ ଇନିଂସରେ ୩୨୬ ରନ କରିଥିଲା। ଜବାବରେ ଇଂଲଣ୍ଡ ପ୍ରଥମ ଇନିଂସରେ ୨୧୯ ରନ କରି ଅଲ୍ଆଉଟ୍ ହୋଇଯାଇଥିଲା। ୧୦୭ ରନରେ ଅଗ୍ରଣୀ ଲାଭ କରିଥିବା ପାକିସ୍ତାନ ୨ୟ ଇନିଂସରେ ମାତ୍ର ୧୬୯ ରନରେ ସୀମିତ ରହିଥିଲା। ଫଳରେ ଘରୋଇ ଦଳ ସାମ୍ନାରେ ୨୭୭ ରନର ଯାର୍ଗେଟ୍ ଧାର୍ଯ୍ୟ ହୋଇଥିଲା। ପାକିସ୍ତାନ ପକ୍ଷରୁ ୨ୟ ଇନିଂସରେ ସ୍ପିନର ୟାସିର ଶାହ ସର୍ବାଧିକ ୩୩ ରନ କରିଥିଲେ। ବୋଲିଂରେ ଇଂଲଣ୍ଡ ପକ୍ଷରୁ ଷ୍ଟୁଆର୍ଟ ବ୍ରଡ୍ ୩ ଏବଂ କ୍ରିସ୍ ଓ୍ବକ୍ସ ଓ ବେନ୍ ଷ୍ଟୋକ୍ସ ୨ଟି ଲେଖାଏ ଉଇକେଟ୍ ନେଇଥିଲେ।
